دەستەوارەیەکی خەیاڵی لە سعودیەوە بۆ بنزیما

 

 

بەپێی هەواڵی رۆژنامەی ئێل موندۆی ئیسپانی دەستەوارەیەکی گەورە و بە ورەکاریی زۆرەوە خراوەتە بەردەم بنزیما، بۆ ئەوەی رازی ببێت رووبکاتە خولی سعودیە.

 

بەپێی ئەو سەرچاوەیە دەستەوارەکە بەمشێوەیەیە.

 

- هیچ باجێک لە یاریزانەکە وەرناگیرێت و مووچەکەی بە کاش وەردەگرێت.

 

- ٪100 مافەکانی وێنەگرتنی یاریزانەکە لەگەڵ ئەو یانەیەی یاریی بۆ دەکات بۆ کەریم دەبن.

 

- یاریزانەکە خۆی بڕیاردەدات بچێتە کام یانە و لە کام شار بژیت.

 

- بە پەیوەندیکردنی بە خولی سعودیە، بنزیما دەبێتە باڵیۆزی وڵاتەکە بۆ میوانداریکردنی مۆندیالی 2030

 

- چەندین گرێبەستی بازرگانیی لەگەڵ دەکرێت

 

- گرێبەستەکە بۆ ماوەی دوو ساڵ دەبێت.

 

- جێبەجێکردنی مەرجی لاوەکی کە خۆی دایدەنێت

 

رۆژنامەکە ئاماژەی بۆ بڕی پارەی گرێبەستەکە نەکردووە، بەڵام چەند سەرچاوەیەکی دیکە دەڵێن "حکومەتی سعودیە خۆی سەرپەرشتی ئەم گرێبەستە دەکات و 200 ملیۆن یۆرۆی بۆ تەرخانکراوە."

 

ناوی بنزیما لە ماوەی چەند رۆژی رابردوودا بە یانەی ئیتیحادی پاڵەوانی خولی سعودیە بەستراوەتەوە، لەکاتێکدا گرێبەستەکەی لەم هاوینەدا لەگەڵ ریال مەدرید کۆتاییدێت و یانەی شاهانەش بەدوای شوێنگرەوەیەک دەگەڕێت بۆ ئەو یاریزانە.