رووداو دیجیتاڵ
کارلۆ ئەنچیلۆتی، راهێنەری یانەی ریال مەدرید، رایگەیاند کە دڵخۆشە بەبردنەوە و سەرکەوتن بۆ پلەی ئۆف. گوتیشی "لەنێوان مانچێستەر سیتی سێلتیکدا حەزدەکات بەرامبەر سێلتیک یاری بکات".
لە دوایین گەڕی قۆناخی یەکەمی چامپیۆنزلیگدا، ریال مەدرید بووە میوانی برێسی فەرەنسی و بەئەنجامی 3-0 لێیبردەوە و مانەوەی خۆی لە پلەی ئۆفی پاڵەوانێتییەکە مسۆگەر کرد.
لە کۆنگرەی رۆژنامەڤانی دوای یارییەکەدا، کارلۆ ئەنچێلۆتی دووپاتیکردەوە کە ئەوان چاوەڕێی ئەنجامی تیروپشکەکان.
پوختەی قسەکانی راهێنەری ریال مەدرید بەمشێویە بوو:
باشە، دەبێت چاوەڕێی تیروپشکەکە بین. لەسەر کاخەز ئەگەر رووبەڕووی مانچێستەر سیتی ببینەوە شتەکان بۆ هەردوو یانە ئاڵۆزتر دەبن. بەڵام تەنیا دەتوانین چاوەڕێی تیروپشکەکە بین و لەوە زیاتر هیچی دیکە نییە.
یارییەکەمان باش بوو، بەباشی یاریمان کرد. فۆڕمێکی باشمان نیشان دا، تیپەکە بەهێز و ورد بوو، بۆیە ئێمە دڵخۆشین. جێگەی داخە، چونکە دەمانتوانی کەمێک زووتر لەم پێشبڕکێیەدا بەهۆش خۆمان بێینەوە، بەڵام ئەوە بەو شێوەیە و دڵخۆشین کە لەم ساتەدا لەم ئاستەداین.
پێموایە لەسەر کاخەز مان سیتی چانسی بردنەوەی چامپیۆنزلیگی باشترە لە سێڵتیک لە رووی پێکهاتە و کوالیتییەوە. کەواتە، زۆر ئاسانە وەڵام بدەینەوە کە ئێمە حەزمان لە یاریکردن نییە بەرامبەر مانچێستەر سیتی. بەڵام ئەگەر ناچاربین بەرامبەر سیتی یاری بکەین وەک ساڵانی پێشوو یاری دەکەین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ