هاڵک بووە گرانترین گرێبەست
رووداو - هەولێر
جیڤانیلدۆ ڤیێرا دی سۆزای ناسراو بە هاڵک، هێرشبەری پێشووی یانەی زینیت سانپێترسبێرگی رووسی بە گرێبەستێکی گەورە پەیوەندیی بە ریزەکانی یانەی شەنگەهای چینییەوە کرد.
رۆژنامەی دەیلی مەیلی بەریتانی وێنەکانی ساتی گەیشتنی یاریزانە بەرازیلییەکە بۆ چین بڵاوکردووەتەوە و رایگەیاندووە، یاریزانەکە بەرامبەر 56 ملیۆن یۆرۆ پەیوەندیی بە ریزەکانی یانە چینییەکەوە کردووە و تاوەکو ساڵی 2019 لە ریزەکانی ئەو یانەیەدا یاریدەکات و ساڵانەش دوو ملیۆن یۆرۆ وەک مووچە لەیانەکە وەردەگرێت.
Hulk to join Chinese club Shanghai SIPG from Zenit St Petersburg in £48m deal https://t.co/3czTYVKEoP pic.twitter.com/G5oSaFqXsO
— MailOnline Sport (@MailSport) June 29, 2016
یانەی شەنگەهای چینی چاوی لە بردنەوەی نازناوەکانە و گرێبەستی هاڵكیش بووە گرانترین گرێبەستی یانەکە و پێش ئەلێکس تێکسێرای یاریزانی پێشووی یانەی شاختیۆر کەوت کە بەرامبەر 38 ملیۆن یۆرۆ پەیوەندیی بە ریزەکانی یانەکەوە کردووە.