رووداو - هەولێر
هەڵبژاردەی قەتەر بە ئاسانی لە ئیماراتی بردەوە و گەیشتە یاری کۆتایی جامی ئاسیا.
لە یاریگای محەممەد بن زاید هەردوو هەڵبژاردە رووبەڕووی یەکدی بوونەوە و قەتەر یارییەکەی بە ئەنجامی چوار گۆڵی بێوەڵام بردەوە.
لە گێمی یەکەمدا و لە خولەکی 22دا بوعلام خۆخی گۆڵی یەکەمی بۆ قەتەر تۆمارکرد، دواتر لە خولەکی 37دا معەز عەلی گۆڵی دووەمیشی بۆ عەنابی تۆمارکرد.
لە گێمی دووەمدا و لە خولەکی 80 حەسەن هەیدوس گۆڵی سێیەم و دڵنیایی بۆ قەتەر تۆمارکرد، دواتر لە خولەکی 90دا ناوبژیوان ئیسماعیل ئەحمەدی لە هەڵبژاردەی ئیمارات بە کارت سوور کردە دەرەوە، پێش ئەوەی یارییەکەش کۆتاییپێبێت حامد ئیسماعیل گۆڵی چوارەم و کۆتایی یارییەکەی بۆ قەتەر تۆمارکرد.
قەتەر گەیشتە یاری کۆتایی و لەوێشدا رۆژی یەکی مانگی داهاتوو رووبەڕووی کۆمپیوتەرەکانی ژاپۆن دەبێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ