درێسێکی ڤینیسیۆس یاریزانێک لە هەڵبژاردەی وڵاتەکەی دووردەخاتەوە

 

 

هەڵبژاردەی گینیا رۆژی 15ـی مانگی 1ـی ساڵی داهاتوو، لە یەکەم یاریی جامی ئەفریقیا رووبەڕووی هەڵبژاردەی کامیرۆن دەبێتەوە، دواتر بەرامبەر هەریەکە لە گامبیا و کامیرۆنی دوایین پاڵەوانی جامەکە دەبێتەوە. 

 

مۆرلێ سیلا، ناوەڕاستکاری هەڵبژاردەی گینیا بۆ پێکهاتەی هەڵبژاردەکەی بانگهێشت نەکراوە و بە پێی میدیاکان، هۆکاری بانگهێشتنەکردنی یاریزانەکە بۆ ئەوە دەگەڕێتەوە کە لە دوای دۆڕانیان بە ئەنجامی 4-1 بەرامبەر هەڵبژاردەی بەرازیل لە مانگی شەشی ئەمساڵ، کێشە و مشتومڕ لە نێوان سیلا و راهێنەر و هاوتیپەکانیدا درووستبووە.

 

دوای یارییەکەی بەرامبەر بەرازیل، سیلا درێسی لەگەڵ ڤینیسیۆس جونیۆر گۆڕییەوە و گەڕایەوە ژووری جلگۆڕین، بەڵام بەشێوەیەکی سەیر و نهێنی ئامێز درێسەکە بزر دەبێت و دیار نامێنێت، سیلا بەو رووداوە زۆر توڕە دەبێت و پەنجەی تۆمەت بۆ  یاریزانانی هاوڕێی درێژ دەکات و لە کۆتاییدا کابا دیاوارای راهێنەریشی بە دزینی درێسەکە تۆمەتباردەکات، دواتر ناوەڕاستکارەکە هەموو ژووری جلگۆڕینەکە دەگەڕێت و ئەمەش کێشەکەی گەورەتر کرد و مشتومڕی زیاتری درووستکرد، بەپێی هەواڵەکان، سیلا تاوەکو ئێستا داوای لێبوردنی نەکردووە و راهێنەری هەڵبژاردەکەش بە بانگهێشتنەکردنی بۆ ئەو پاڵەوانێتییە گرنگە سزای داوە. 

 

مۆرلێ سیلا، یاریزانی یانەی ئارۆکای پۆرتوگالییە و لەم وەرزەدا بەشداری 20 یاری کردووە و توانیویەتی دوو گۆڵ و پێنج ئاسیست بکات.