رووداو - هەولێر
دوای پەیوەندیکردنی بە ریزەکانی یانەی لیڤەرپوولی ئینگلیزی بەرامبەر 84 ملیۆن یۆرۆ ڤیرجێل ڤان دایک بووە یەکێک لە گرانترین یاریزانانی جیهان و ساڵی 2017 بووە ساڵی گرێبەستە مێژووییەکان کە هیچ کاتێک هێندەی ئەمساڵ گرێبەستی گەورەی تێدا نەکراوە.
10 گرانترین گرێبەستی گواستنەوەی یاریزانان لە مێژوودا
1- نەیمار داسیلڤای بەرازیلی لە بارسێلۆنای ئیسپانی بەرامبەر 222 ملیۆن یۆرۆ پەیوەندیی بە یانەی پاریس سانجێرمان کرد.
2- کیلیان ئێمباپێ، لە یانەی مۆناکۆی فەرەنسییەوە بەشێوەی خواستن بۆ ساڵێک پەیوەندیی بە پاریس سانجێرمان کرد دوای ئەوە بە 180 ملیۆن یۆرۆ دەبێتە یاریزانی یانەکە.
3- عوسمان دێمبێلی، لە یانەی بۆرووسیا دۆرتموندی ئەڵمانی بەرامبەر 105 ملیۆن یۆرۆ و ئەگەری زیادەی 42 ملیۆن یۆرۆ پەیوەندیی بە یانەی بارسێلۆنا کرد.
4 پوڵ پۆگبای فەرەنسی لە یانەی یوڤێنتوسی ئیتاڵی یەکێکی دیکەیە لە گرانترینەکانی جیهان کە 2016 بەرامبەر 105 ملیۆن یۆرۆ و پاداشتی 5 ملیۆن یۆرۆ چووە مانچێستەر یونایتد.
5- گاریس بەیڵی وێڵزی بەرامبەر 101 ملیۆن یۆرۆ لە ساڵی 2013 لە یانەی تۆتێنهامی ئینگلیزی پەیوەندیی بە ریال مەدریدی ئیسپانی کرد.
6- کریستیانۆ رۆناڵدۆی پۆرتوگالی لە مانچێستەر یونایتدی ئینگلیزی بەرامبەر 94 ملیۆن یۆرۆ لە ساڵی 2009 چووەتە ریال مەدرید.
7- گۆنزالۆ هیگواینی ئەرجەنتینی بەرامبەر 90 ملیۆن یۆرۆ لە ساڵی 2009 ناپۆلیی بەرەو یوڤێنتوس بەجێهێشت.
8- نەیمار داسیلڤا لە ساڵی 2013 لە یانەی سانتۆسی بەرازیلی بەرامبەر 88،5 ملیۆن یۆرۆ پەیوەندیی بە بارسێلۆنا کردبوو.
9- ڤیرجێل ڤان دایکی هۆڵەندی لە یانەی ساوسهامپتۆنی ئینگلیزی بەرامبەر 84 ملیۆن یۆرۆ پەیوەندیی بە لیڤەرپوول کرد.
9- رۆمێلۆ لوکاکو لە یانەی ئێڤەرتۆن بەرامبەر 84 ملیۆن یۆرۆ پەیوەندیی بە مانچێستەر یونایتد کردووە.
10- لویس سوارێزی ئوروگوایی لە یانەی لیڤەرپوول بەرامبەر 83،3 ملیۆن یۆرۆ لە ساڵی 2014 پەیوەندیی بە یانەی بارسێلۆنا کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ