بایرن چاوی لە ئەستێرەیەکی بەرسێلۆنایە

 

 

میدیای کەتەلۆنیا باس لەوە دەکات کە یانە باڤارییەکە لەسەر داوای تۆماس تۆخێل، راهێنەری یانەکەیان دەیەوێت هێڵی بەرگریی یانەکە بەهێزتر بکات و رۆناڵد ئاراوخۆ بباتە ریزەکانی یانەکەی.

 

بایرن میونشن چەند یاریزانێکی دیاریکردووە، بۆ ئەوەی لە هاوینی داهاتوودا گفتوگۆ لەگەڵ بەڕێوەبەری کارەکانی یاریزانەکان بکات بۆ ئەوەی گرێبەستی لەگەڵ واژۆبکەن، لە سەرووی هەموو ناوەکانیش ئەستێرەی بەرگریکار و کاپتنی دووەمی یانەی بارسێلۆنا رۆناڵد ئاراوخۆی دیاریی کردوو، بەڵام گرێبەستکردن لەگەڵ ئەم یاریزانە قورس دەبێت بۆ یانە ئەڵمانییەکە دوای ئەوەی کە یاریزانی ناوبراو گرێبەستی لەگەڵ بارسێلۆنا لە ساڵی 2022 دا نوێ کردەوە و مەرجی هەڵوەشاندنەوەی گرێبەستەکە 1 ملیار یۆرۆیە کە ئەمەش ئەرکی یانە باڤاریەکە قورستر دەکات.

 

لە دوای ئاراوخۆ ناوی هەریەک لە رافایێل ڤاڕانی فەرەنسی و بەرگریکاری یانەی مانچێستەر یونایتد، تاکاهێڕۆ تۆمویاسۆی دڵی بەرگری یانەی ئارسیناڵ و هەڵبژاردەی ژاپۆن دێت لە ئەگەری ئەنجامنەدانی گرێبەست لەگەل ئاروخۆ ئەوا یانەی بایرن هەوڵ دەدات یەکێک لەم دوو ئەستێرەیە بگوازێتەوە یانەکەی.

 

یانەی بایرن مونشن ئەمساڵ لە هەموو پاڵەوانێتییەکاندا 18 یاریی ئەنجام داوە و 15 گۆڵی لێکراوە، لە چامپیۆنزلیگدا لە پلەی یەکەمی کۆمەڵەکەی دێت و لە بوندێسلیگادا لە پلەی دووەم دێت.