یانەیەک دەیەوێت ریال مەدرید لە هازارد رزگاربکات

 

 

کارلۆ ئەنچێلۆتی، گرنگی بەتواناکانی ئەو یاریزانە نادات و بەتەواوی پشتگوێی خستووە، بەڵام لەگەڵ ئەوەشدا هازارد نایەوێت تاوەکو کۆتایی گرێبەستەکەی بڕوات.

 

رۆژنامەی فۆتۆماک و فەنەتیکی تورکی دەڵێن "یانەی فێنارباخچەی تورکی خۆی ئامادەدەکات بۆ ئەوەی دەستەوارەیەک بۆ گواستنەوەی ئەو یاریزانە پێشکێشبکات و لە گواستنەوەی هاوینی داهاتوودا گرێبەستی لەگەڵ واژۆبکات."

 

فێنارباخچە لە زستانی رابردوودا هەوڵی گواستنەوەی یاریزانەکەی دەدا، رێککەوتنی لەگەڵ ریال مەدرید کردبوو، بەڵام هازارد رەتیکردەوە لە یانەکە بڕوات و لەسەر کورسیی یەدەگ مایەوە.

 

راپۆرتەکان ئاماژە بۆ ئەوە دەکەن کە یانە تورکییەکە هەنگاوەکانی دەستپێکردووە، بۆ ئەوەی هازارد رازی بکات، هەرچەند دەزانێت کە یاریزانەکە نیازی بەجێهێشتنی یانەکەی نییە.

 

گرێبەستی هازارد لەگەڵ ریال مەدرید لە هاوینی 2024 کۆتاییدێت، یاریزانەکە مووچەیەکی زۆر وەردەگرێت کە دەگاتە 461 هەزار یۆرۆ لە هەفتەیەکدا و یاریی ناکات، نرخی گواستنەوەی زۆر دابەزیووە و ئێستا تەنیا 5 ملیۆن یۆرۆیە، یانەی ریال مەدریدیش دەیەوێت هەر چۆنێک بێت یاریزانەکە رازی بکات لە سانتیاگۆ بێرنابیۆ بچێتە دەرەوە.

 

هازارد لە 2019ـەوە لە یانەی ریال مەدریدە، بەڵام تەنیا لە 51 یارییدا بەشدارییکردووە و تەنیا 4 گۆڵی تۆمارکردووە، لە ماوەی چوار ساڵی یارییکردنیشی لە یانەکەدا بەشداریی لە هیچ یارییەکی کلاسیکۆدا نەکردووە.