دەستەوارەیەکی مێژوویی بۆ وەین روونی
رووداو- هەولێر
سەرچاوە رۆژنامەڤانییەکانی بەریتانیا رایانگەیاندووە، وەین روونی، هێرشبەری یانەی مانچێستەر یونایتد دەستەوارەیەکی گەورەی لە چینەوە بۆ ئامادەکراوە.
رۆژنامەی زە سەن رایگەیاندووە، روونی لەلایەن یانەی شەنگەهای چینی چاودێریی دەکرێت و یانەکە ئامادەیە دەستەوارەیەک بە مووچەی یەک ملیۆن پاوەند لە یەک هەفتەدا پێشکەشی یاریزانەکە بکات.
لە ئەگەری پەیوەندیکردنی بەو یانەیە روونی دەبێتە خاوەنی بەرزترین مووچە لە جیهاندا و پێش کارلۆس تێڤێز دەکەوێت کە 615 ملیۆن پاوەند لە یەک هەفتەدا وەردەگرێت.
پێشر وەین روونی رایگەیاندبوو نایەوێت ریزەکانی مانچێستەر یونایتد بەجێبهێڵێت و دەیەوێت لەگەڵ ئەو یانەیە بەردەوام بێت تاوەکو گرێبەستەکەی کۆتاییدێت.