ترایسڵۆن لە مەغریب
رووداو دیجیتاڵ
پێشبڕکێیە نێودەوڵەتییەکانی ترایسڵۆن دوای ئەوەی لە ماوەی دوو ساڵی رابردوودا بەهۆی پەتای کۆرۆناوە بەڕێوە نەچوون، جارێکی دیکە لە مەغریب دەستیان پێکردەوە.
پازدەیەمین پاڵەوانێتی ترایسڵۆن رۆژانی شەممە و یەکشەممە بەڕێوەچوو، 400 وەرزشوان لە 26 وڵاتەوە بەشدارییان لە پێشبڕکێیەکەدا کرد، کە مەودای مەلەوانی 750 مەتر بوو، لە پاسکیلسواریش 20 کیلۆمەتریان بڕی و 5 کیلۆمەتری خێراش مەودای پێشبڕکێی راکردن بوو.
نازناوی پیاوان بەر ماتیۆ رۆبێرتسی ئوسترالی کەوت، دوای ئەوەی بە 56 خولەک و 26 چرکە هێڵی کۆتایی بڕی، دوای ئەویش ساکۆن مۆرگانی نیوزلەندی بە جیاوازی تەنیا 8 چرکە پلەی دووەمی بردەوە و پلەی سێیەمیش بووە بەشی ئەلبێرتۆ گۆنزالێزی ئیسپانی.
لەسەر ئاستی خانمانیشدا، ئوسترالیاییەکان باڵادەستی خۆیان سەپاند، کە ئیما جێفکۆت بە یەک کاژێر و 3 خولەک و 20 چرکە سەرکەوتنی بەدەستهێنا و پێش شارلۆت دێربیشایری خانمە هاونیشتیمانییەکەی کەوت، بە جیاوازی 11 چرکە.
سیسکا تۆروسی خانمە وەرزشوانی ئیسپانی بووە خاوەنی پلەی سێیەم.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ