بێلینگهام بووە باشترین یاریزانی وەرزی رابردوو لالیگا

2 کاژێر له‌مه‌وپێش
رێبوار محه‌ممه‌د
نیشانەکردن لالیگا جود بێلینگهام خەڵاتی باشترین یاریزان
A+ A-

رووداو دیجیتاڵ

یانەی ریال مەدریدی ئیسپانی ئاشکرایکردووە، جود بێلینگهامی ئەستێرەی ناوەڕاستی یانەکە، بەباشترین یاریزانی خولی ئیسپانیا 'لالیگا' بۆ وەرزی رابردوو 2023 - 2024 دەستنیشانکراوە.
 
ریال مەدرید وەرزی رابردوو نازناوی لالیگای بەدەستهێنا. ئەوە نازناوی ژمارە 36ی لالیگا بوو ریال مەدرید لە مێژووی خۆیدا بەدەستی بهێنێت.
 
یانە مەدریدییەکە لە ماڵپەری فەرمی خۆی ئاشکرایکردووە، کە جود بێلینگهام ئەو خەڵاتەی بەدەستهێناوە کە دەستەی سەرپەرشتیاری لالیگا ساڵانە پێشکێشی دەکات.
 
بەپێی ماڵپەری یانەکە، بێلینگهام وەک باشترین یاریزانی وەرزی رابردووی خولەکە دەستنیشانکراوە.
 
وەرزی رابردوو، کە وەرزی یەکەمی یارییکردنی بێلینگهام بوو لەگەڵ ریال مەدرید، ئەو یاریزانە لە وەرزەکەی لالیگادا 19 گۆڵی تۆمارکرد و 6 ئەسیستی هەبوو. بەشداریی لە دە یاریی خولەکەشدا نەکرد بەهۆی پێکانەوە.
 
جود هەروەها سێیەم گۆڵکەری وەرزی رابردوو لالیگا بوو، هاوتای رۆبێرت لیڤاندۆڤسکی هێرشبەری بارسێلۆنا.
 
هەردوو یاریزانەکە سێیەمی لیستی گۆڵکەرانی لالیگا بوون، لە پاش ئارتیم دۆڤبیکی هێرشبەری پێشووی جیرۆنا و ئێستای رۆما کە لە وەرزەکەدا 24 گۆڵی تۆمارکرد. دووەم گۆڵکەری لالیگاش لە وەرزەکەدا، ئەلیکساندەر سۆرلۆسی هێرشبەری ڤیاریال بوو بە تۆمارکردنی 23 گۆڵ.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە