رووداو - هەولێر
لە یارییەکی تۆپی پێدا لە ئوسترالیا، گۆڵێکی تەواو جیاواز و سەرنجڕاکێش تۆمارکرا، کاتێک بەرگریکارێک بەهەڵە تۆڕی یانەکەی هەژاندەوە.لە یاریی نێوان هەردوو ئیستوود سانت ئاندروز و گلادسڤیل راڤنز، لە باکووری رۆژئاوای سیدنی، هەردوو یانە بەرامبەر یەکدی یارییانکرد و ئیستوود یارییەکەی بە 3-2 بردەوە.
لە دوایین 5 خولەکی یارییەکەدا، لێدانێکی سزا بۆ یانەی ئیستوود هەژمارکرا، لێرەوە چیرۆکی گۆڵە سەیرەکە دەستیپێکرد، کاتێک هێرشبەری یانەکە لە جێبەجێکردنی لێدانەکەدا سەرکەوتوو نەبوو و گۆڵپارێز تۆپەکەی گەڕاندەوە، بەڵام بەرگریکارێکی یانەکە بەلێدانێکی بەهێز و بەهەڵە تۆڕی یانەکەی هەژاندەوە و گۆڵێکی لە خۆیان کردەوە، لەکاتێکدا یاریزانەکە دەیەویست تۆپەکە لە گۆڵی خۆیان دووربخاتەوە.
بەهۆی ئەم گۆڵەوە تیپی ئیستوود سانت ئاندروز یارییەکەی بە 3-2 بردەوە.
ئەم گۆڵە کاردانەوەی زۆری بەدوای خۆیدا هێناوە لە تۆڕە کۆمەڵایەتییەکاندا و چەند کەسێک نووسیوویانە، ئەمە خراپترین گۆڵە بینیبێتمان کە یاریزانێک لە خۆیان بکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ