هەڵەیەک روویدا! دووبارە هەوڵبدە
رووداو – هه‌ولێر
تیروپشكی پاڵه‌وانیه‌تیی كراوه‌ی تێنسی ئه‌مه‌ریكا ئه‌نجامدرا و له پاڵه‌وانیه‌تیی ئه‌مساڵدا نادال و فێدرێر له یه‌ك كۆمه‌ڵه‌ن و ئه‌مه‌ش واده‌كات به‌یه‌كه‌وه نه‌گه‌نه یاریی كۆتایی.
تیروپشكی پاڵه‌وانیه‌تیی كراوه‌ی ئه‌مه‌ریكا له مانهاتن له نیویۆرك ئه‌نجامدرا و له ئاستی پیاوانیشدا نادالی یه‌كه‌می ریزبه‌ندی جیهان و رۆجێر فێدرێری مایسترۆی تێنس له یه‌ك كۆمه‌ڵه‌دان، بۆیه ئه‌مساڵ له یاریی كۆتاییدا به‌یه‌ك ناگه‌ن و ره‌نگه زووتر به‌یه‌ك بگه‌ن.
هاوكات دوور نییه دوای پاڵه‌وانیه‌تییه‌كه جارێكی دیكه گۆڕانكاری له ریزبه‌ندی پیاواندا بێته ئاراوه، به جۆرێك ئێستا نادال له پله‌ی یه‌كه‌مه، به‌ڵام هه‌ریه‌كه له مۆرای و فێدرێر لێیه‌وه نزیكن و دوورنییه پله‌ی یه‌كه‌می لێ وه‌ربگرن.
پاڵه‌وانیه‌تیی كراوه‌ی ئه‌مه‌ریكا، یه‌كێكه له پاڵه‌وانیه‌تییه گه‌وره‌كانی تێنس و 28ی ئه‌م مانگه ده‌ستپێده‌كات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ