ڤیدیۆ؛ لیۆنێل مێسی: تێربووم

 

 

لە راستیدا من گرنگترین ئامانجم لە ژیانمدا بەدەستهێنا کە بردنەوەی مۆندیال بوو لەگەڵ هەڵبژاردەکەم. ئەوە کارێکی ناوازە بوو. من هەمیشە گوتوومە هەرگیز بیر لە خەڵاتە تاکەکەسییەکان ناکەمەوە، هەرگیز لە خەڵاتە بەکۆمەڵەکان زیاتر بیری لێناکەمەوە. بۆ من ئامانجەکانی خۆم لەگەڵ هەڵبژاردەی ئەرجەنتین بەدەستهێنا و لەسەر ئاستی تاکیش هەموو شتێکم بەدەستهێناوە، بەهەمان شێوە لەسەر ئاستی یانەکانیش و بۆیە پێموایە کاروانەکەم، کاروانێکی نائاسایی بوو.

 

باشە.. ئێمە هەمیشە پێمانوایە کە هەر کاتێک دەچێن بۆ بەشداریکردن لە پاڵەوانێتییەک، بەنیازی  بردنەوەی دەچین بۆ ئەوەی ببینە پاڵەوان. بەڵام لە رووی کردەنییەوە، وەک دەزانین ئێمە هەمیشە یەکێکین لە بەربژێرەکان، بەڵام دەزانین کە جامی جیهانی، پاڵەوانێتییەکی زۆر قورسە. دەبێ هەندێک شت هەن لە بەرژەوەندیی تۆ هەڵسوڕێن. من دڵنیانیم لەوەی کە ئێمە پێشبینیمان کردبێت ببین بەپاڵەوان، بەڵام پێموایە هەڵبژاردەیەکی بەهێزی بەربژێربووین بۆ بردنەوەی نازناوەکە. بەهەمان شێوەی هەندێک هەڵبژاردەی دیکەی گرنگ کە لە پاڵەوانێتییەکەدابوون و رێزی زۆرمان لێگرتن. ئێمە متمانەی زۆرمان بەخۆمان هەبوو لەدوای ئەوەی کە پێشتر بەدەستمان هێنابوو، بۆ نموونە کۆپا ئەمێریکا و هەموو شتێکی دیکە کە بەدوایدا هات، متمانەبەخۆبوونمانی زیاتر کرد لای تیپەکە، ئەمە کارێکی زۆر باشبوو لە رووی دەروونیییەوە بۆ بەدەستهێنانی ئەو ئامانجەی کە هەمانبوو.

 

پێموایە زۆر زۆر کەس هەبوون کە دڵخۆشبوون بە دەستکەوتە، ئەمە جیا لە هاوڕێکانم، ئەوان زۆر بەجۆشوخرۆش بوون بۆ ئەوەی کە من بوومە پاڵەوانی جیهان. پێموایە زۆر هاندەر لە سەرانسەری جیهاندا هەبوون کە لە پاڵ پشتگیریکردنی هەڵبژاردەی وڵاتەکانی خۆیان بۆ بردنەوەکەی ئێمە دڵخۆشبوون، ئەرجەنتینییەکانیش بەهەمان شێوە. بۆ من هەستەکە نائاسایی بوو، کاتێک خەڵک بینییان کارەکە بەو شێوەیە بەڕێوەچوو و بینییان من بوومەتە پاڵەوانی جیهان وەکئەوەی دەیانویست. ئەمە بەهۆی خواوە روویدا.

 

وەک پێشتریش گوتوومە، بۆ من هەمان شتە، بەچاوپۆشین لەو راستییەی کە من ناچاربووم بگەڕێمەوە بۆ ئەو وڵاتەی کە لە یاریی کۆتاییدا بەرامبەریان یاریمانکرد و لێمان بردنەوە. بەڵام بۆ من کارەکە هەر هەمان شت بوو، ئامانجەکانیشم لەگەڵ یانەکەدا هەروەکخۆی مانەوە، هاوشێوەی ئەوەی کە پێش بوون بە پاڵەوانی جیهان هەمبوو. من نازانم بۆ هاوڕێکانم لە پاریس سانجێرمان بەهەمان شێوە بوو یان نا، چونکە لای من لە دوای شکستپێهێنانی فەرەنسا لە یاریی کۆتاییدا، هیچ نەگۆڕا و هەموو شت وەکخۆی مایەوە لە بیرکردنەوەی مندا.