هەڵەیەک روویدا! دووبارە هەوڵبدە
رووداو – هه‌ولێر
له پاڵه‌وانیه‌تیی تێنسی دوبه‌ی، كه له ئیمارات ده‌كرێت، رۆجێر فێدرێری ئه‌ستێره‌ی ناوداری تێنس بردنه‌وه‌ی تۆماركرد و به ئه‌نجامی 2-1 كۆمه‌ڵه له فیلیپ كۆلشرایبه‌ری یاریزانی ئه‌ڵمانی برده‌وه.
یارییه‌كه له قۆناخی یه‌كه‌مدا بوو، ئه‌نجامی كۆمه‌ڵه‌كانیش بۆ فێدرێر 6-4، 3-6 و 6-1 بوو.
به‌مه‌ش فێدرێری سویسری بۆ قۆناخی دووه‌می پاڵه‌وانیه‌تیی دوبه‌ی سه‌ركه‌وت و له‌وێشدا به‌رامبه‌ر فێرناندۆ فێرداسكۆی ئیسپانی یاریی ده‌كات.
هاوكات بردنه‌وه‌كه‌ی فێدرێر، چوارده‌یه‌مین بردنه‌وه‌ی له‌سه‌ر یه‌ك بوو، كه به‌سه‌ر كۆلشرایبه‌ری ئه‌ڵمانیدا تۆماریكرد له كۆی دیداره‌كانی نێوانیاندا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ