ڤیدیۆ؛ ئەلۆنسۆ و لیڤەرکوزن بەردەوامن لە سەرسامکردنی ئەڵمانیا
رووداو دیجیتاڵ
بایەرلیڤەرکوزن، بە سەرکردایەتی چابی ئەلۆنسۆی راهێنەری ئیسپانی، خۆی گەیاندە پلەی دووەمی ریزبەندیی بوندێسلیگا، لە دوای بایرن میونشنی پێشەنگی خولەکە، دوای ئەوەی لەسەر یاریگەی بای ئارێنا بە ئەنجامی 4-1 لە هایدنهایمی تازە سەرکەوتوو بۆ خولەکەی بردەوە.
لە خولەکی 9 ڤیکتۆر بۆنیفاس گۆڵی یەکەمی بۆ بایەرلیڤەرکوزن تۆمارکرد.
لە خولەکی 58 هایدنهایم لە رێگەی ئیرێن دینکسیەوە ئەنجامەکەی یەکسانکردەوە.
بەڵام دوای 5 خولەک، لیڤەرکوزن لە رێگەی جۆناس هۆفمانەوە پێشکەوتنی بەدەستهێنایەوە.
چارەکێک پێش کۆتاییهاتنی یارییەکە، لیڤەرکوزن گۆڵی سێیەمی تۆمارکرد بە لێدانی سزا، کە ڤیکتۆر بۆنیفاس بە سەرکەوتوویی جێبەجێیکرد.
8 خولەک پێش کۆتایی هاتنی یارییەکە، ئەمین ئەدلی یاریزانی مەغریبی گۆڵی چوارەمیش بۆ بایەرلیڤەرکوزن تۆمارکرد.
بایەرلیڤەرکقزن 13 خاڵی هەیە و بە جیاوازی گۆڵ لەدوای بایرن میونشن دووەمە. لە کاتێکدا هایدنهایم لە پلەی سیانزدەمدایە و تەنیا 4 خاڵی هەیە.