رووداو دیجیتاڵ
خوان لاپۆرتا، سەرۆکی یانەی بارسێلۆنا هاندەرانی یانەکەی بێهیواکرد و دەڵێت قسەمان لەگەڵ بەرپرسانی مانچێستەر سیتی نەکردووە.
ماوەیەکی زۆرە ناوی بێرناردۆ سیلڤا بە یانەی بارسێلۆناوە بەستراوەتەوە، بەڵام سەرۆکی یانەکە دەڵێت " ئێمە کاردەکەین بۆ بونیادنانی تیپێکی رکابەر لەگەڵ راهێنەریکی نایابی وەک چاڤی."
لاپۆرتا زیاتر لەبارەی ئەگەری گواستنەوەی بێرناردۆ قسەیکرد و گوتی " هیچ شتێکمان بۆ گواستنەوەی ئەو یاریزانە نەکردووە، هیچ دۆسییەک بۆ ئەو یاریزانە نەبووە و ئێستاش درەنگە."
سەرۆکی بارسێلۆنا دووپاتیدەکاتەوە کە هیچ قسەیەکیان لەبارەی یاریزانەکەوە لەگەڵ بەرپرسانی مانچێستەر سیتی نەکردووە.
لەلایەن خۆیەوە چاڤی هێرناندێز لە وەڵامی رۆژنامەڤاناندا لەبارەی گواستنەوەی یاریزانەکەوە گوتی " کەس هەیە بێرناردۆ سیلڤا، دیبرۆین و هالاندی خۆشنەوێت؟"
چاڤی زیاتر گوتی " بێرناردۆ سیلڤا یاریزانێکی سەرەکی مانچێستەر سیتییە و جیاوازی دروستدەکات، من سەرسامم بەو یاریزانە، بەڵام پرسی پەیوەندیکردنی یاریزانەکە بە تیپەکەمانەوە لە دەستی مانچێستەر سیتی دایە."
بێرناردۆ سیلڤا، شەوی چوارشەممە لەگەڵ مانچێستەر سیتی چووە یاریگەی کامپ نو و بەرامبەر بارسێلۆنا یارییکرد، بەڵام گواستنەوەی یاریزانەکە بۆ ئەو یانەیە زەحمەتە رووبدات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ