ڤیدیۆ؛ نەورۆز، مینای گۆڵباران کرد و سەرکەوتنێکی گەورەی بەدەستهێنا

 

 

لە خولەکی 29ـی یارییەکەدا، مەروان حوسێن توانی لەرێگەی لێدانێکی سزاوە گۆڵی یەکەمی نەورۆز تۆماربکات و یانەکەی پێشبخات.

 

چوار خولەک لە دوای گۆڵی یەکەم، مەروان جارێکی دیکە دەرکەوتەوە و گۆڵی دووەمی خۆی و نەورۆزی لە یارییەکەدا تۆمارکرد.

 

لە گێمی دووەمدا و لە خولەکی 62ـی یارییەکەدا، مەروان گۆڵی سێیەمی نەورۆزی کرد و هاتریکەکەی تەواوکرد. 

 

نەورۆز لە هێرشەکانی بەردەوامبوو، لە خولەکی 75، مورتەزا هەدیب گۆڵی چوارەمی یانەکەی تۆمارکرد و جیاوازییەکەی زیاترکرد.

 

تاکە گۆڵی مینا لە یارییەکەدا لە خولەکی 85 بوو، کاتێک سەجاد عەلا بەتەنیا بەرامبەر گۆڵپارێز مایەوە و توانی بۆ یەکەمین و دوایین جار لە یارییەکەدا تۆڕی نەورۆز بهەژێنێت.

 

بەم سەرکەوتنە، یانەی نەورۆز ژمارەی خاڵەکانی بۆ 36 خاڵ زیادکرد، گەڕایەوە بۆ پلەی پێنجەمی ریزبەندی خولی ئەستێرەکانی عێراق و ئێستا یانەکە چوار خاڵ لە دوای زەورای پلەی چوارەم دێت.