سەد بووە پاڵەوانی قەتەر
رووداو دیجیتاڵ
یانەی سەد لە گەڕی پێشکۆتایی خولی ئەستێرەکانی قەتەردا، پێشوەختە بردنەوەی نازناوی خولەکەی یەکلاکردەوە.
سەد لە یاریگەی ئەلبەیت لە شاری خۆر بووە میونای یانەی شیمال و بەئەنجامی چوار گۆڵ بەرامبەر بە هیچ لێیبردەوە.
سەد لە خولەکی 9 گۆڵی یەکەمی خۆی لە رێگەی حەسەن هەیدۆسی کاپتنەکەیەوە تۆمارکرد.
سەد لە خولەکی بیست و شەشدا لە رێگەی گۆنزالۆ خیمینێز پلاتاوە بووە خاوەنی دوو گۆڵ.
یانەی شیماڵ لە خولەکی سی و نۆدا گورزێکی دیکەی بەرکەوت کاتێک ناوبژیوان یاریزانە ئێرانییەکەی ئومێد ئەمیر ئیبراهیمی بە کارتی سوور دەرکرد.
لە گێمی دووەمدا یانەی سەد پێشەنگی خۆی پاراست و بەردەوام بوو لە گوشارەکانی بۆ گەڕان بەدوای گۆڵی دیکەدا.
ناوبژیوان یاریزانێکی یانەی شیمال و یاریزانێکی یانەی سەدی بە کارتی سوور دەرکرد.
سەد لێدانێکی سزای بۆ هەژمارکرا و لە خولەکی هەشتا و سێدا ئەکرەم عەفیف گۆڵی سێیەمی تۆمارکرد و پێشکەوتنەکەی لە ریزبەندیی گۆڵکاران بەهێزترکرد و ژمارەی گۆڵەکانی کردە 26 گۆڵ.
پاولۆ ئۆتاڤیۆ سیلڤا، سەرکەوتوو بوو لە تۆمارکردنی گۆڵی چوارەم بۆ یانەی سەد و یارییەکە لە بەرژەوەندی خۆیاندا کۆتاییهات و حەڤدەهەمین جار نازناوی خولەکەی بەدەستهێنا و حەفتا و هەشتەمین نازناوی جۆراوجۆرە لە مێژووی خۆیدا بەدەستیدەهێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ