رووداو - هەولێر
بەسام ئەلراوی، ئەستێرە و کاپتنی هەڵبژاردەی خوار تەمەن 23 ساڵی هەڵبژاردەی قەتەر، بە تۆمارکردنی دوو گۆڵی نایاب و سەرنجڕاکێش سەرکردایەتی سەرکەوتنێکی گەورەی کرد.
لە پاڵاوتنەکانی گەیشتن بە جامی ئاسیای 2020 بۆ خوار 23 ساڵان، هەڵبژاردەی قەتەر لە دووەم یارییدا رووبەڕووی نیپال بووەوە و یارییەکەی بە پێنج گۆڵی بێبەرامبەر بردەوە.
لە یارییەکەدا بەسام ئەلراوی، ئەستێرە و کاپتنی هەڵبژاردەکە دوو گۆڵی سەرنجڕاکێش و جوانی تۆمارکرد، گۆڵی دووەمی هەڵبژاردەکەی بەلێدانێکی بەهێز تۆمارکرد و گۆڵی چوارەمیشی بەلێدانێکی راستەوخۆی سەرنجڕاکێش تۆمارکرد.
قەتەر ئەمە دووەم یارییە سەرکەوتن بەدەستدەهێنێت و ئێستا بە کۆکردنەوەی 6 خاڵ لە پلەی یەکەمی کۆمەڵەی یەکەمە.
لە قۆناخی شازدەی جامی ئاسیای 2019، بەسام هیشام ئەلراوی، بەرەچەلەک عێراقی کە یاریی بۆ قەتەر دەکات، بەلێدانێکی راستەوخۆ گۆڵێکی لە عێراق تۆمارکرد و هەڵبژاردەکەی کردە دەرەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ