ئەمڕۆ یاریی کۆتایی جامی کاراباو دەکرێت
رووداو - هەولێر
ئەمڕۆ ئێوارە یاریی کۆتایی جامی کاراباو، هەردوو یانەی مانچێستەر سیتی و ئارسیناڵ کۆدەکاتەوە.
یارییەکە کاژێر 19:30 بەکاتی باشووری کوردستان لەسەر یاریگەی وێمبێلی ئەنجامدەدرێت و چاوەڕێی رکابەرییەکی بەهێزی نێوان هەردوو یانە دەکرێت بۆ بردنەوەی نازناوەکە، بەتایبەت مانچێستەر سیتی کە ئەم وەرزە باشترین ئاستی تاوەکو ئێستا پێشکەشکردووە.
مانچێستەر سیتی پێشتر چوار جار نازناوەکەی بردووەتەوە و دوایین جاریش وەرزی 2015-2016 بوو، بەڵام ئارسیناڵ لە ساڵی 1993ەوە نەیتووانیووە نازناوەکە بباتەوە و تەنیا دوو جار ئەو نازناوەی بەدەستهێناوە.