ڤیدیۆ؛ بۆفۆن 3 لێدانی سزا ده‌گه‌ڕێنێته‌وه
رووداو ـ هه‌ولێر
له درێژه‌ی یارییه‌كانی جامی پاڵه‌واناندا، هه‌ردوو یانه‌ی ئیتالی یوڤێنتوس و ئینته‌رمیلان به‌یه‌كگه‌یشتن و خانمه پیره‌كه به لێدانه‌كانی یه‌كلاییكه‌ره‌وه براوه بوو.
له گێمی یه‌كه‌مدا و له خوله‌كی 10دا ماتیاس دی لێختی به‌رگریكاری نوێ یوڤێنتوس به هه‌ڵه گۆڵیكی بۆ ئینته‌رمیلان له تۆڕی تیپه‌كه‌ی تۆماركرد.
له خوله‌كی 68دا كریستیانۆ رۆناڵدۆ له لێدانێكی راسته‌وخۆدا گۆڵی یه‌كسانبوونی بۆ یوڤێنتوس تۆماركرد.
هه‌ردوو یانه په‌نایان برده به‌ر لێدانه‌كانی یه‌كلاییكه‌ره‌وه‌و له ئه‌نجامدا یوڤێنتوس 4 ـ 3 براوه بوو، كه جیانلویجی بۆفۆن 3 لێدانی سزای گه‌ڕانده‌وه و وه‌ك پاڵه‌وانی یارییه‌كه ناوی خۆی تۆماركرد.