مان سیتی گرێبەستی بینیامین مێندی راگەیاند و بووە گرانترین بەرگریکەر
رووداو - هەولێر
بەفەرمی یانەی مانچێستەر سیتی ئینگلیزی گواستنەوەی بینیامین مێندی، بەرگریکەری یانەی مۆناکۆی بۆ ریزەکانی راگەیاند و ئەو یاریزانە بووە گرانترین بەرگریکەر لە مێژوودا.
مانچێستەر سیتی کەمێک پێش ئێستا گواستنەوەی ئەو یاریزانە بۆ ماوەی پێنج ساڵ و بەرامبەر 52 ملیۆن پاوەند بۆ ریزەکانی راگەیاند و یاریزانەکە بووە گرانترین بەرگریکەر لە مێژووی گواستنەوەی یاریزاناندا.
بێنیامین مێندی لەیانەی مانچێستەر سیتی درێسی ژمارە 22 دەپۆشێت و لە ساڵی 2016ەوە لە یانەی مۆناکۆی فەرەنسی یارییدەکات و 25 یاریی ئەنجامداوە.