کریستانۆ رۆناڵدۆ بانگهێشتی ریزی هەڵبژاردەی پۆرتوگال کرا

رووداو-هەولێر

فێرناندۆ سانتۆسی راهێنەری هەڵبژاردەی پۆرتوگال ناوی یاریزانانی هەڵبژاردەکەی بۆ خولی نەتەوەکانی ئەوروپا ئاشکراکرد.

لە پێکهاتەکەدا هیچ سوپڕایزێک نییە و سەرجەم ئەو یاریزانانە بانگهێشتکراون کە پێشبینی دەکرا لە ریزی هەڵبژاردەکەدابن، لە سەرووی لیستەکەشدا ناوی کریستیانۆ رۆناڵدۆی ئەستێرەی یانەی یوڤێنتوس هاتووە.

پۆرتوگال لە نەیشن لیگدا لە قۆناخی پێشکۆتاییدایە و لەوێشدا بەرامبەر هەڵبژاردەی سوێسرا یاریدەکات لە رۆژی پێنجی مانگی داهاتوودا، یاری دووەمیش لە نێوان هەردوو هەڵبژاردەی ئینگلتەرا و هۆڵەندا دەبێت.

لە دوی ئاشکراکردنی ناوی یاریزانانی هەڵبژادەکەش، سانتۆسی راهێنەری پۆرتوگال گوتی، ئەم خولە یەکێکە لە قورسترین خولەکان، یاریزانانمان بە جۆرێک ئامادەدەکەین توانای ئەوەیان هەبێت بگەنە فایناڵ و لەوێشدا نازناوەکە بەدەستبهێنن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger