خۆرخێ سامپاولی
رووداو دیجیتاڵ
یانەی فلامینگۆ بە سەرکردایەتی خۆرخێ سامپاولی، راهێنەری ئەرجەنتینی، دووەم هەنگاوی لە وەرزی نوێی خولی بەرازیلیدا خراپ بوو، و بەرامبەر ئینتەرناسیۆناڵ دۆڕا.
لە گەڕی دووەمی یارییەکانی خولی بەرازیلدا، ئینتەرناسیۆناڵ لەسەر یاریگەی خۆیدا میوانداری فلامینگۆی کرد و بە دوو گۆڵ بەرامبەر بە گۆڵێک شکستی پێهێنا.
نیوەی یەکەم بەبێ گۆڵ کۆتاییهات و هەموو هێرشەکانی هەردوو یانە بێئاکام بوون، بەڵام لە نیوەی دووەمدا فلامینگۆ دەستپێشخەربوو، کاتێک لە خولەکی 63 لە رێگەی جێرسۆنەوە گۆڵی یەکەمی تۆمارکرد.
یانەی خاوەن یاریگە تەنیا 4 خولەکی پێویست بوو بە یەکسانکردنەوەی ئەنجامەکە لە بەرژەوەندی خۆیدا، کە لەلایەن ماوریسیۆوە تۆمارکرا.
ئەوان بەوەندەش نەوەستان و هەمان یاریزان لە خولەکی هەشتی زیادکراودا گۆڵی دووەمی خۆی و یانەکەی و بردنەوەی تۆمارکرد.
فلامینگۆ کە یاریی گەڕی یەکەمی بردبووەوە، ئێستا خاوەنی 3 خاڵە و پلەی حەوتەمی ریزبەندیی گرتووە، ئینتەرناسیۆناڵیش بە دوو یاری 4 خاڵی هەیە و پلەی پێنجەمی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ