یانەی ئاکرێ
رووداو دیجیتاڵ
یانەی ئاکرێ بردنەوەیەکی گەورە و مێژوویی بەرامبەر یانەی پێشمەرگەی هەولێر تۆمارکرد و چووە پێشەنگی ریزبەندی خولی یانە نایابەکانی کوردستان.
لە رکابەرییەکانی خولی یانە نایابەکانی کوردستاندا، یانەی ئاکرێ لەنێو یاریگە و هاندەرانیدا لە گەڕی 26 میوانداریی پێشمەرگەی هەولێری کرد و یارییەکەی بە ئەنجامێکی گەورە بە سێ گۆڵی بێبەرامبەر بردەوە.
دوای تەنیا 10 خولەک یارییکردن، عائد ئەنوەر، گۆڵی پێشکەوتنی بۆ یانەی ئاکرێ تۆمارکرد و نیوەی یەکەمی یارییەکە بەو گۆڵە لە بەرژەوەندی خاوەن یاریگە کۆتاییهات.
دوو خولەک بەسەر دەستپێکردنی نیوەی دووەمی یارییەکەدا تێپەڕی و عەلی فایەق گۆڵی دووەمی بۆ ئاکرێ تۆمارکرد.
لە خولەکی 57 عەباس یابر، گۆڵپارێزی یانەی ئاکرێ لێدانێکی سزای دانا کامەران، هێرشبەری یانەی پێشمەرگەی هەولێری گەڕاندەوە و ورەیەکی زیاتری دایە یانەکەی.
عائد ئەنوەر لە خولەکی 79 ئاکرێی کردە خاوەنی سێ گۆڵ و یانەکەی زیاتر لە بردنەوەی یارییەکە نزیککردەوە.
لە دوایین خولەکەکانی یارییەکەدا یانەی عەبدوڵڵا سەربەست، بەلێدانی سزا گۆڵی یەکەمی بۆ پێشمەرگەی هەولێر تۆمارکرد.
ئاکرێ یارییەکەی بە سێ گۆڵ بەرامبەر گۆڵێک بردەوە و بە کۆکردنەوەی 44 خاڵ چووە پێشەنگی ریزبەندی خولی نایابی کوردستان و دەیەوێت رکابەری لەسەر بردنەوەی نازناوی خولەکە بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ