ڤیدیۆ؛ میوانێکی نوێ بۆ چامپیۆنزلیگ

 

 

وەرزی داهاتوو دوای 20 ساڵ جارێکی دیکە ئاوازی چامپیۆنزلیگ لەنێو یاریگەی سانت جەیمس پارک لێدەدرێت و نیوکاسل بەشداری لە خولی یانە پاڵەوانەکانی ئەوروپا دەکات.

 

ساڵی 2021 بووە سەردەمێکی نوێ لە یانەکەدا، کاتێک دەستەی وەبەرهێنانی سعودیە یانەکەی بەرامبەر 300 ملیۆن پاوەند کڕییەوە، یاسر رومەیان کرایە سەرۆکی یانەکە و ئاماندا ستاڤێلیش بووە بەڕێوەبەری جێبەجێکار، ئیدی لەو کاتەوە گۆڕانکارییەکان دەستیانپێکرد.

 

دوای زنجیرەیەک ئەنجامی خراپ و چاوەڕوانیی هاندەران بۆ گۆڕانکارییەکان، کارگێڕیی یانەکە بڕیارییدا ئیدی هاو، لە شوێنی ستیڤ بروس بکاتە راهێنەر، لە دوای ئەوەوە رۆژە ناخۆشەکان لە سانت جەیمس پارک گۆڕدران بۆ خۆشی و یانەکە رۆژ لە دوای رۆژ ئاستێکی بەرزتری پێشکێشکرد.

 

هەرچەند نیوکاسل چەند یاریزانێکی نوێی گواستەوە، بەڵام هیچ یەکێکیان ئەوە نەبوون کە ناوبانگی زۆریان هەیە و نرخەکانیان زۆربەرزە، ئیدی کە پێشتر لەگەڵ بۆرنمۆوس ئەزموونی پەیداکردبوو باش تێدەگەیشت کە لەگەڵ تیپێکی ئاساییش دەتوانێت رکابەری بکات، نەک بچێت ناوی گەورە بگوازێتەوە، بکەوێتە ژێر بەرپرسیارەتییەکی گەورە و ئەنجامی نەبێت.

 

نیوکاسل دوای رکابەرییەکی زۆر گەیشتە چامپیۆنزلیگ، لێرە بەدواوە کارکردن بۆ پاڵەوانێتییەکە دەستپێدەکات، بەتایبەت کە یانەکە پێویستیی بە پێکهاتەیەکی بەهێزتر و یاریزانی باشتر دەبێت، کە بێگومان چەند ئەستێرەیەک لە پلانەکانی یانەکەدا، لەوانەش نەیمار داسیلڤا و رافینیا، بەڵام ئەو پرسیارەی هەمووان چاوەڕێی وەڵامەکەی دەکەن، ئەوەیە ئایا کریستیانۆ رۆناڵدۆ دەچێتە یانەکە و دەگەڕێتەوە پرێمەرلیگ یان نا؟ بەتایبەت کە یانەکە سعودیە خاوەنداریەتیی دەکات.