بەفەرمی یانەی ئارسیناڵ گرێبەستی ئیمری راگەیاند
رووداو - هەولێر
یانەی ئارسیناڵی ئینگلیزی بەشێوەیەکی فەرمی گرێبەستکردنی لەگەڵ ئونای ئیمری، راهێنەری ئیسپانی راگەیاند.
یانە لەندەنییەکە لەسەر لاپەرەی فەرمی خۆی گرێبەستەکەی راگەیاندووە و بەخێرهاتنی ئەو راهێنەرە دەکات بۆ ریزەکانی یانەکەیان و وەرگرتنی پۆستی راهێنەرایەتی تۆپچییەکانی لەندەن.
A new dawn. A new era. A new chapter.#WelcomeUnai pic.twitter.com/kGrE2gMLQl
— Arsenal FC (@Arsenal) May 23, 2018
دوای راگەیاندنی گرێبەستەکە ئیڤان گایدز، بەڕێوەبەری جێبەجێکاری یانەی ئارسیناڵ گوتی، ئونای ئیمری، یەکێک لەو راهێنەرە گەنجانەیە کە پێشکەوتنی زۆری لەسەر ئاستی ئەوروپا بەخۆیەوە بینیووە و شێوازی کارکردنی لەگەڵ ئارسیناڵ زۆر گونجاو دەبێت، بەهۆی ئەو شێوازەی کە لەنێو یاریگە و دەرەوەی یاریگە لەگەڵ یاریزانان بەکاریدەهێنێت.
ئونای ئیمری دوای دوورخستنەوەی لە راهێنەرایەتی پاریس سانجێرمان جێگەی ئارسێن ڤینگەر دەگرێتەوە، کە دوای 22 ساڵ دەستبەرداری راهێنەرایەتی ئارسیناڵ بوو.