رووداو دیجیتاڵ
ئاسۆ رۆستەم هێرشبەر و گۆڵکاری یانەی نەورۆز دەچێتە خولی کوێت و پەیوەندی بە یانەی سالمیەی ئەو وڵاتەوە دەکات.
تۆڕی میدیایی رووداو لە رێگەی یانەی سالمیەوە راستی هەواڵەکە دووپاتدەکاتەوە و رۆژی هەینی گرێبەستی یاریزانەکە بۆ ماوەی دوو ساڵ واژۆدەکرێت و ئاسۆ یەکەم ئەزموونی پیشەگەریی لە خولی کوێت تاقیدەکاتەوە.
بەپێی زانیارییەکانی رووداو یانەی نەورۆز رێگری لە رۆیشتنی گۆڵکارەکەی ناکات و ستایشی ئەو ئاستەی دەکات کە لەم وەرزەدا یاریزانەکە لەگەڵ یانەکە پێشکێشیکردووە.
ئاسۆ رۆستەم، باشترین هێرشبەری ئەم وەرزەی نێوخۆی عێراقە لە خولی عێراق و بە تۆمارکردنی 18 گۆڵ دووەم گۆڵکاری خولی عێراقە.
چەند یانەیەکی دیکە لەسەر ئاستی ناوخۆی عێراق، لە هەوڵدابوون بۆ ئەوەی یاریزانە کوردەکەی یانەی نەورۆز ببەنە ریزەکانیان، بەڵام ئاسۆ یانە کوێتییەکەی هەڵبژاردووە و لە وەرزی نوێدا بڕیارە لەو خولە یاری بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ