رووداو دیجیتال
یانەی بارسێلۆنا پێویستی بە 120 خولەک یاریکردن بوو تاوەکو توانی زۆر بە زەحمەت لە
یانەی كۆرنێیا بباتەوە و بلیتێکی قۆناخی 16ـی جامی شای ئیسپانیا بەدەستبێنێت.
لە گەڕی 32ـی جامی شای ئیسپانیا، بارسا بووە میوانی كۆرنێیا، کە لە خولی پلە دووەکانی ئیسپانیا یاریدەکات و دوای دوو گێمی زیادکراو توانی بە دوو گۆڵی بێبەرامبەر لێیبباتەوە.
لە 90 خولەکی کاتی ئاسایی یارییەکەدا، یاریزانانی بارسا نەیانتوانی گۆڵ لە کۆرنێیا بکەن، کە میرالیم پیانیچ و عوسمان دێمبێلی دوو لێدانی سزایان لەدەستدا.
لە خولەکی دووی گێمی یەکەمی زیادکراودا دێمبێلی بە لێدانێکی بەهێز لە دەرەوەی هێڵی سزاوە گۆڵی یەکەمی بارسای بەدەستهێنا و لە خولەکی 120شدا برایتوەیت گۆڵی دووەمی تۆمارکرد و کەتەلۆنییەکان بلیتی سەرکەوتنیان بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ