نۆڤاک جۆکۆڤیچ
رووداو دیجیتاڵ
دوای تێپەڕبوونی دوو مانگ بەسەر لەدەستدانی نازناوی تێنسی ویمبڵدن، جارێکی دیکە نۆڤاک جۆکۆڤیچ رووبەڕووی کارلۆس ئەلکارازی تێنسی لاوی ئیسپانی بووەوە، ئەمجارە لە ئەمریکا و لە یاریی کۆتایی تێنسی سینسیناتی.
کۆمەڵەی یەکەمی رکابەرییەکە هەردوو تێنسزان لە بەرزترین ئاستدا دەرکەوتن، دوای رکابەرییەکی زۆر ئەلکاراز 7-5 پێشکەوت.
کۆمەڵەی دووەمیش هەر بە هەمان شێوە بوو، بەڵام جۆکۆڤیچ ئەنجامەکەی یەکسانکردەوە و 7-6 ئەو کۆمەڵەیەی بردەوە.
یارییەکە چووە قۆناخێکی هەستیار، جۆکۆڤیچ چەند هەلێکی بۆ رەخسا بۆ ئەوەی یارییەکە یەکلابکاتەوە، بەڵام کارلۆس هەر دوای دەخست، تاوەکو یارییەکە چووە تای برێک و نۆلێ بە 7-6 کۆمەڵەی سێیەمی بردەوە و لە دوای رکابەرییەکی ماراسۆنی و درێژ بە 3 کاژێر و 49 خولەک رکابەریکردن نازناوەکەی بەدەستهێنا.
جۆکۆڤیچ لە خۆشی بردنەوەی نازناوەکەدا درێسەکەی دڕاند و شێتانە ئاهەنگی گێڕا، دوای ئەوەش باوەشی بە جامی پاڵەوانێتییەکەدا کرد.
ئەمە سێیەمجارە جۆکۆڤیچ نازناوی سێنسیناتی دەباتەوە و ژمارەی نازناوەکانی لە کاروانی یارییکردنیدا گەیاندە 95 نازناو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ