ڤیدیۆ؛ پۆرتۆ سێیەم بردنەوەی لەسەریەکی تۆمارکرد

 

 

لە رکابەرییەکانی گەڕی سێیەمی خولی پۆرتوگالدا، یانەی پۆرتۆ لە یاریگەی دراگاو بەرامبەر سپۆرتینگ لیشبۆنە یارییکرد و بە سێ گۆڵی بێبەرامبەر یارییەکەی بردەوە.

 

لە خولەکی 42 ئیڤانێلسۆن گۆڵی پێشکەوتنی بۆ خاوەن یاریگە تۆمارکرد.

 

لە نیوەی دووەمدا پۆرتۆ باشتر یارییکرد و درێژەی بەهێرشەکانیدا، لە خولەکی 77 ماتیۆس ئوریبێ بەلێدانی سزا گۆڵی دووەمی خاوەن یاریگەی تۆمارکرد.

 

9 خولەک دوای ئەو گۆڵە گالینۆ هەر بە لێدانی سزا پۆرتۆی کردە خاوەنی سێ گۆڵ، یارییەکە بەو ئەنجامە بە سێ گۆڵی بێبەرامبەر کۆتاییهات و خاوەن یاریگە سێ خاڵی دیکەی بەدەستهێنا.

 

پۆرتۆ بەم بردنەوەیە سێیەم بردنەوەی تۆمارکرد و بە 9 خاڵ پێشەنگی ریزبەندی خولەکەیە، سپۆرتینگ لیشبۆنە 4 خاڵی لە 3 یارییدا هەیە.