ڤیدیۆ؛ لێدوانی راهێنەران.. چاڤی و ئەنچێلۆتی سەرکەوتنیان دەوێت

 

لە کۆنگرەی رۆژنامەڤانی بەر لە یارییەکەدا، راهێنەرانی هەردوو یانە قسەیان بۆ میدیاکاران کرد، کە ئەمە پوختەی قسەکانی هەردووکیانە:

 

 

تاوەکو ئێستا هاندەرێکی ریال مەدریدم نەبینیوە خەمباربێت لەبارەی شێوازی یاریکردنی تیپەکەوە، لەوانەیە لە چەند رۆژی داهاتوودا هەندێک لەوانە ببینین، بەڵام دەزانم کە هەمووان زۆر دڵخۆشن و هەر دەشبێ بەو شێوەیە بن، چونکە تیپەکە هەموو توانای خۆی خەرجدەکات و دۆخەکان تێدەپەڕێنێت.

 

ئێمە ئەمڕۆ بەرامبەر تیپێکی زۆر رکابەر یارییدەکەین کە لەماوەی رابردوودا ئاستی زۆر باشبووە، ئێمە دڵنیان لەوەی ئەمەی ئەمڕۆش کلاسیکۆیەک دەبێت وەکئەوەی چاوەڕێ دەکەین بیبینین، رکابەرییانە و جەنگاوەرییانە، ئەمە هەلێکی مەزنە بۆ ئێمە تاوەکو بەهۆی کلاسیکۆوە لە بردنەوەی لالیگا نزیکتر ببینەوە، بەلەبەرچاوگرتن و هەستکردن بە هەموو ئەو زەحمەتییانەش کە رووبەڕوویان دەبینەوە، چونکە بارسێلۆنا هێشتا بەپێوە ماوە.

 

ئەگەر ریال مەدرید کلاسیکۆ بباتەوە، بەڵێ لالیگا کۆتایی دێت، بەڵام ئێمە پۆزەتیڤانە بیر دەکەینەوە و بردنەوەمان دەوێت، دەمانەوێت جیاوازیی خاڵەکان کەمبکەینەوە، هەلی ئەوەمان هەیە و تاوەکو کۆتایی لالیگا لەپێناویدا دەجەنگین.

 

ئەمە گرنگترین یاریی وەرزەکەیە بەلای ئێمەوە. روونە کە دەبێ و پێویستە بیبەینەوە، دەبێ بیبەینەوە بۆ ئەوەی گوشاری زیاتر لەسەر ریال مەدریدی پێشەنگ دروست بکەین. جیاوازیی خاڵەکان کەمدەکەینەوە. ئەمە ئەو سیناریۆیەیە کە دەمانەوێت رووبدات، یاریی دەکەین و هەوڵدەدەین لە بێرنابیۆ براوەبین، ئەمە ئامانجی ئێمەیە.

 

ئێمە جیا لە یارییکردنی باش، دەبێ کاریگەریش بین، چونکە ریال مەدرید کاریگەرە، ئەوان بەباشی بەرگری دەکەن و کاریگەرن. ئەوان یەکێکن لە باشترین ئەو تیپانەی کە ئاراستەی یاریی دەگۆڕن، جووڵانەوەکانیان خێرا و دڕندایە، توانایان هەیە و ئەوان ریال مەدریدن، ئێمە باسی یەکێک لە باشترین تیپەکانی جیهان لە چەند ساڵی رابردوودا دەکەین.