رووداو - هەولێر
یانەی ئایندهۆڤن بردنەوەیەکی گرنگی بەدەستهێنا و درێژەی بە رکابەریکردنی یانەی ئەیاکسی پێشەنگی خولی هۆڵەندیدا.
لە گەڕی 31ـی خولی هۆڵەندیدا، یانەی ئایندهۆڤن رووبەڕووی ئادۆ دێنهاگ بووەوە و یارییەکەشی بە ئەنجامی سێ گۆڵ بەرامبەر بە گۆڵێک لێبردەوە.
لە گێمی یەکەمدا و لە خولەکی 20 دینزێل دومفێرس گۆڵێکی بۆ پی ئێس ڤی تۆمارکرد.
لە گێمی دووەمدا و لە خولەکی 83 لوک دی یۆنگ گۆڵی دووەمی بۆ ئایندهۆڤن تۆمارکرد، دواتر لە خولەکی 88دا تۆماس ناجید گۆڵێکی بۆ دینهاگ تۆمارکرد، پێشکۆتاییهاتنی یارییەکەش دۆنیال مالین گۆڵی سێیەم و سێ خاڵی یارییەکەی بۆ ئایندهۆڤن تۆمارکرد.
بەم بردنەوەیە ئایندهۆڤن خاڵەکانی کردە 77 خاڵ و بە جیاوازی گۆڵ لەگەڵ یانەی ئەیاکس لە پلەی دووەمی خولی هۆڵەندییە، دێنهاگیش 36 خاڵی هەیە و لە پلەی 12یە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ