کەس لە بارسا تێناگات

 

 

 

ئامانجی یەکەمی بلاوگرانا، فیدریکۆ کیێزای ئیتاڵی و یاریزانی یۆڤێنتۆسە و نرخی یاریزانەکە لە بازاڕی گواستنەوە تەنیا 15 ملیۆن یۆرۆیە. 

یاریزانە ئیتاڵییەکە، لەسەر دەستی تیاگۆ مۆتا، راهێنەری نوێی یانەی یۆڤێنتۆس لە پلانەکانی ئەم وەرزەی یانەکە دوورخرایەوە و  بارساش دەیەوێت پەلکێشی ریزەکانی یانەکەی بکات. 

کێیزا وەرزی رابردوو رۆڵی هەبوو لە تۆمارکردنی 10 گۆڵ و دوو ئەسیست لە 37 یارییدا لەگەڵ خانمە پیرەکە. 

 

 

ئامانجی دووەمی یانەی بارسێلۆنا، رافائێل لیاوی پۆرتوگالییە و میلانیش داوای 100 ملیۆن یۆرۆ دەکات بۆ دەستبەرداربوون لە یاریزانەکە ، بارساش دەیەوێت بە شێوەی قیست یاریزانەکە بگوازێتەوە و هاندەران بە گرێبەستی لیاو، دڵخۆش بکات

لیاو، وەرزی رابردوو یەکێک بوو لە باشترین یاریزانەکانی میلان، لە 48 یارییدا 15 گۆڵ و 12 ئەسیستی هەبوو.  

 

بارسا بەهۆی کێشەی داراییەوە ناتوانێت دانی ئۆلمۆ ناونووس بکات و بەهۆی ناهاوسەنگی مووچەی یاریزانەکانی ناچارە ئێلکای گوندۆگانی یاریزانی یانەکەی بفرۆشێت، بەڵام سەرەڕای هەموو ئەمانە، خوان لاپۆرتای سەرۆکی یانەکە دەیەوێت ئەو ئاڵانگارییە بکات و چەند گرێبەستێک بۆ هانزی فلیکی راهێنەر واژۆ بکات.