رووداو ـ هه‌ولێر
له یارییه‌ی دۆستانه‌دا كه له ئه‌مریكا به‌ڕێوه‌چوو، یانه‌ی بۆرووسیا دۆرتمۆندی ئه‌ڵمانی توانی له لیڤه‌رپوولی ئینگلیزی بباته‌وه.
له‌و یارییه‌دا كه هه‌ردوو یانه وه‌ك ئاماده‌كاری بۆ وه‌رزی نوێ ئه‌نجامیاندا، یانه ئه‌ڵمانییه‌كه به ئه‌نجامی 3 ـ 2 گۆڵ له پاڵه‌وانی ئه‌وروپای برده‌وه.
پاكۆ ئه‌لكاسێر له خوله‌كی 3دا گۆڵی یه‌كه‌می بۆ بۆرووسیا دۆرتمۆند تۆماركرد.
له خوله‌كی 35دا هاری ویلسۆن گۆڵی یه‌كه‌م و یه‌كسانبوونی بۆ رێدز تۆماركرد.
له گێمی دووه‌مدا و له خوله‌كه‌كانی 53 و 58دا تۆماس دیلانی و جاكۆپ برۆن لارسن گۆڵی دووه‌م و سێیه‌میان بۆ یانه ئه‌ڵمانییه‌كه تۆماركرد.
له خوله‌كی 75دا ناوبژیوان لێدانێكی سزای بۆ لیڤه‌رپوول هه‌ژماركرد و رایان برۆسته‌ر گۆڵی دووه‌می بۆ ئینگلیزه‌كان تۆماركرد و یارییه‌كه به ئه‌نجامی 3 ـ 2 بۆ به‌رژه‌وه‌ندی ئه‌ڵمانه‌كان كۆتاییهات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ