رووداو - هەولێر
رکابەرییەکانی گەڕی چواردەیەمی پاڵەوانێتی پایسکلسواریی تور دێ فرانس، پاڵەوانێکی دیکەی فەرەنسای بەخۆیەوە بینی، دوای ئەوەی تیبو پینوا پلەی یەکەمی گەڕەکەی بردەوە.
رکابەرییەکانی ئەم گەڕەی پاڵەوانێتییەکە سەخت و ئاڵۆزبوون، بەهۆی ئەوەی لە ناوچەی بەرزاییەکانی تاربێس بۆ تورمالێت بەڕێوەچوون و 2000 مەتر لە ئاستی دەریاوە بەشداربووان رکابەرییان لەسەر بڕینی 117 کیلۆمەتر دەکرد.
دوای رکابەرییەکی زۆر پینوا توانیی پێش هەمووان بکەوێت و بە سێ کاژێر و 10 خولەک و 20 چرکە گەیشتە خاڵی کۆتایی و پلەی یەکەمی رکابەرییەکەی لە بەرژەوەندی خۆی یەکلاییکردەوە، جولیان ئالافێلیپی پێشەنگی ریزبەندی گشتی پاڵەوانێتییەکەش لە پلەی دووەم هات و ستیڤین کروسڤیکی هۆڵەندیش پلەی سێیەمی گەڕەکەی بردەوە.
دوای ئەنجامدانی ئەم گەڕەی پاڵەوانێتییەکە ماوەی 56 کاژێر و 11 خولەک و 29 چرکەیە، جولیان ئالافێلیپی فەرەنسی لە پلەی یەکەمی ریزبەندی پاڵەوانێتییەکەیە و بەرگری لە درێسی زەرد دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ