رووداو - هەولێر
یانەی ئینتەر میلان بە ئەنجامێکی گەورە بە ناپۆلی دۆڕا و هیوای وەرزی داهاتووی یانەکە کەوتە مەترسییەوە.
یارییەکە لە سان پاولۆ بەڕێوەچوو، یانەی خاوەن یاریگا یارییەکەی بە چوار گۆڵ بەرامبەر بە گۆڵێک بردەوە.
گێمی یەکەمی یارییەکە بە گۆڵێکی پیوتەر زیلینیسکی کۆتاییهات، کەلە خولەکی 16دا تۆڕی ئینتەر میلانی هەژاند.
لە گێمی دووەمدا و لە خولەکی 61 درایس مێرتێنز ناپۆلی کردە خاوەنی دوو گۆڵ، لە خولەکەکانی 71 و 78دا فابیان رویز دوو گۆڵی دیکەی بۆ پارتینۆپێ تۆمارکرد، گۆڵەکەی ئینتەر میلانیش لە خولەکی 81 لە رێگەی ماورۆ ئیکاردی بە لێدانی سزا تۆمارکرا.
ئەم دۆڕانە زیانێکی گەورەی بە ئینتەر میلان گەیاند، یانەکە ئێستا خاوەنی 66 خاڵە و لە پلەی سێیەمەوە گەڕایەوە پلەی چوارەم، ناپۆلیش 79 خاڵی هەیە و پلەی دووەمی مسۆگەر کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ