رووداو دیجیتال
سریچکۆ کاتانیچ، راهێنەری هەڵبژاردەی عێراق پێکهاتەی هەڵبژاردەکەی بۆ یارییە دۆستانەکەیان بەرامبەر بە هەڵبژاردەی کوێت راگەیاند و جارێکی دیکە سەرهەنگ موحسین پشتگوێخرا، بەڵام ناوی کوردێک لە پێکهاتەکەدایە.
رۆژی 27ـی ئەم مانگە لە شاری بەسرە، هەردوو هەڵبژاردەی عێراق و کوێت لە یارییەکی دۆستانەدا بەیەکدەگەن، ئەم یارییە وەک ئامادەکارییەک دەبێت بۆ پاڵاوتنەکانی مۆندیال و جامی نەتەوەکانی ئاسیا.
کاتانیچ جارێکی دیکە یەکێک لە باشترین گۆڵپارێزەکانی ئەم وەرزەی خولی عێراق، کە سەرهەنگ موحسینە پشتگوێ دەخات و بانگهێشتی ناکات. لە کاتێکدا سەرهەنگ لەم وەرزەدا لە کۆی 14 یاریدا خاوەنی 7 کلین شیتە، لە زۆربەی یارییەکاندا ئاستی بەرزبووە و جێگەی سەرنجی میدیا کەسایەتییە وەرزشییەکانی عێراق بووە.
لە پێکهاتەی هەڵبژاردەی عێراقدا شێرکۆ کەریم بۆ دووەمجار لەسەریەک بانگهێشتکراوە، کە لە یاریی رابردوودا بەرامبەر بە هەڵبژاردەی ئیمارات بانگهێشتکرا و چەند خولێک لە نیوەی دووەمدا یاریکرد.
ئەو شاندەی کە رۆژی شەممە دەگەنە شاری بەسرە بۆ رووبەڕووبوونەوەی کوێت بریتین لە گۆڵپارێزان: جەلال حەسەن، محەممەد حەمید و فەهد تاڵب.
بەرگریکاران: عەلا مەهاوی، مستەفا محەممەد، محەممەد جەبر، مەیسەم جەبار، عەلی فایز، سەعد ناتق، ئەحمەد ئیبراهیم، فەیسەڵ جاسم، حەسەن رائد، زرغام ئیسماعیل.
ناوەراستکاران: ئەمجەد عەتوان، هومام تارق، مازن فەییاز، ئیبرازهیم بایش، محەممەد قاسم، حسێن عەلی، سەجاد جاسن، موراد محەممەد.
هێرشبەران: شێرکۆ کەریم، عەلا عەبدولزەهرە و ئەیمەن حوسێن.
هەڵبژارەی عێراق لەم یارییەدا تەنیا بە یاریزانە نێوخۆییەکان یاریدەکات و یاریزانە پیشەگەرەکان بانگهێشتنەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ