رووداو - هەولێر
ساموێل ئیتۆ هێرشبەری كامیرۆنیی بەناوبانگ مێژوویەكی تازەی بۆخۆی تۆماركرد و سەركردایەتی یانەی چێڵسیی لەندەنی كرد لە بردنەوەیەكی گەورەدا بەسەر یانەی مانچستەر یونایتد.
لە هەفتەی 22ی خولی پرێمەرلیگی ئینگلیزی، دوێنێ شەو یانەی چێڵسی بە ئەنجامی 3-1 گۆڵ لە یانەی مانچستەر یونایتدی بردەوە.
ئیتۆ بە ئاستێكی بەرز لە یارییەكەدا دەركەوت و گۆڵەكانیشی (هاتریك) لە خولەكەكانی 17، 45 و 49دا تۆماركرد و سەلماندی هێشتا پیاوی یارییە گەورەكانە و توانا و هێزێكی زۆری ماوە.
تاكە گۆڵی مانچستەریش یاریزان خافێر هێرناندیز چیچاریتۆ تۆماریكرد.
ئەو سەركەوتنەش وانەیەكی گەورەی چێڵسی و مۆرینۆ بوو بۆ شەیتانە سوورەكان.
هەر لە پرێمەرلیگدا یانەی تۆتێنهام بە سەركردایەتی یاریزان ئەدیبایۆر لە دەرەوەی یاریگەی خۆیدا بە ئەنجامی 3-1 گۆڵ لە یانەی سوانزی سیتی بردەوە.
ئەدیبایۆر 2 گۆڵی تۆماركرد و توانی تیپەكەی بەرەو سەركەوتنێكی گرینگ ببات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ