کاراباوی ئەمساڵ ئاگرینە

 

شەوی رابردوو، هەردوو یانەی ئارسیناڵ و کریستاڵ پاڵاس لە یاریگەی ئیمارات رووبەڕووی یەک بوونەوە، لە سەرەتای یارییەکەوە یانەی کریستاڵ پاڵاس بە شێوەیەکی هێرشبەرییانە دەستیانپێکرد و توانیان لە رێی ئەستێرەی یانەکە، ماتێتا، لە خولەکی چوارەوە گۆڵی یەکەم لە تۆڕی ئارسیناڵ تۆماربکەن.

 

گەنەرز بەردەوام بوون لە هەوڵەکانیان بۆ گەڕانەوە لە یارییەکە، هێرشبەری یانەکە، گابریێل خیسوس ئەو هەوڵانەی گەیاندە ئەنجام و بە هاتریکێک ئەنجامەکەی کردە 3-1 لە بەرژەوەندی تیپی خاوەن یاریگە.

 

ئێدی نکێتیا، یاریزانی پێشووی ئارسیناڵ  گۆڵی دووەمی بۆ کریستاڵ پاڵاس تۆمارکرد، بەڵام ئەوە بەس نەبوو بۆ گەڕانەوەی هەڵۆکان و یارییەکە بە ئەنجامی 3-2 لە بەرژەوەندیی ئارسیناڵ کۆتایی هات و بەو ئەنجامە تۆپهاوێژەکان گەیشتنە قۆناخی پێش کۆتایی.

 

لە یارییەکی دیکەدا، نیوکاسڵ بە سەرکردایەتی ساندرۆ تۆنالی، توانی بە ئەنجامی 3-1 لە یانەی برێنتفۆرد بباتەوە، ناوەڕاستکارە ئیتاڵییەکە توانی لەو یارییەدا دوو گۆڵ تۆماربکات و فابیان شاریش گۆڵی سێیەمی تۆمارکرد، یۆوان ویساش تاکە گۆڵی برێنتفۆردی تۆمارکرد.

 

یانەی لیڤەرپوول دریژەی بە ئاستە نایابەکەی و ئەمجارە بەبێ ئەستێرەی یەکەمی یانەکە، محەممەد سەڵاح، بەسەر ساوسامپتۆندا سەربکەوێت و بگاتە قۆناخی پێش کۆتایی، رێدز لە نیوەی یەکەمدا توانیان دوو گۆڵی یەک بە دوای یەک بە قاچەکانی نونێز و ئیلیۆت تۆماربکات،لەنیوەی دووەمدا، کامێرۆن ئارچەر گۆڵێکی بۆ یانەی ساوسامپتۆن تۆمارکردەوە، بەڵام ئەو گۆڵە نەبووە هۆکاری گەڕانەوەی یانەکەی و لیڤەرپوول بە ئەنجامی 2-1 سەرکەوتن بۆ قۆناخی پێش کۆتایی پاڵەوانێتییەکە.

 

لە یاریی چوارەمی قۆناخی چارەکی کۆتایی کاراباو کەپدا، ئەمشەو کاژێر 23:00 بە کاتی کوردستان، تۆتێنهام رووبەڕووی مانچێستەر یونایتد دەبێتەوە و هەردوو یانە چاویان لەوەیە دوایین کورسیی قۆناخی پێش کۆتایی جامەکە بۆ خۆیان مسۆگەر بکەن.