ئەو 5 کارە ناوازەیەی بنزیما کردی و رۆناڵدۆ نەیتوانیبوو بۆ ریال مەدرید بیانکات

 

کەریم لە هەندێک شتدا، پێش رۆناڵدۆ کەوتووەتەوە، بابزانین ئەو شتانە چین؟

 

 

ئەوانەی لە مێژووی کلاسیکۆدا هاتریکیان لە بارسا کردووە بریتین لە سانتیاگۆ بێرنابیۆ، پوشکاش، خایمی لازکانۆ، ئامنسیۆ ئامارۆ و ڤارێلا.

 

رۆناڵدۆ گەرچی لە ماوەی یاریکردنی لە ریال مەدرید 18 گۆڵی لە بارسێلۆنا کردووە، بەڵام هەرگیز هاتریکی لەو یانەیە نەکردووە... بەڵام بنزیما لە دوایین کلاسیکۆدا، هاتریکی لە بارسا کرد.

 

 

هاتریکەکەی کەریم لە کلاسیکۆ، هاتریکێکی دیکەی لەپێشدا تۆمارکرا بەرامبەر ڤایادۆلید.. کەریم 6 خولەک و 30 چرکەی پێویست بوو بۆ تۆمارکردنی، ئەوە سێیەم خێراترین هاتریکی مێژووی ریال مەدرید لە لالیگادا.

 

چوارەم خێراترین هاتریکی مێژووی ریال مەدرید، کریستیانۆ رۆناڵدۆ لە هەشت خولەکدا لە وەرزی 2014 - 2015 بەرامبەر یانەی گرانادا تۆماریکرد.

 

 

گەرچی رۆناڵدۆ بە گۆڵکەری مێژوویی ریال مەدرید ماوەتەوە، بەڵام بنزیما نازناوی ئەسیستدروستکەری مێژوویی ریال مەدریدی بۆ خۆی برد.

 

رۆناڵدۆ 450 گۆڵی بۆ ریال مەدرید تۆمارکردووە

بنزیما 349 گۆڵی بۆ ریال مەدرید تۆمارکردووە

 

بنزیما تاوەکو ئێستا 165 ئەسیستی هەیە

رۆناڵدۆ 131 ئەسیستی هەیە

 

 

بنزیما تاوەکو ئێستاش، خاوەنی خێراترین گۆڵی ریال مەدریدە لە کلاسیکۆدا

بنزیما ساڵی 2011 لە کلاسیکۆی یەکەمی وەرزدا لە لالیگا، دوای تەنیا 21 چرکە گۆڵی پێشکەوتنی ریال مەدریدی تۆمارکرد، لە کاتێکدا یارییەکە بە دۆڕانی ریال 1 - 3 گۆڵ کۆتایی هات.

 

 

رۆناڵدۆ نۆ ساڵ لە ریال مەدرید بوو، چوار باڵۆن دۆری بردەوە

 

دوا باڵۆن دۆری رۆناڵدۆ لە تەمەنی 32 ساڵیدا بوو

 

کەریم لە تەمەنی 34 ساڵیدا، وەرزی رابردوو باڵۆن دۆری بردەوە، کەریم پێش رۆناڵدۆ کەوت وەک بەتەمەنترین یاریزانی ریال مەدرید ئەو خەڵاتە بباتەوزە.