رووداو دیجیتاڵ
تۆماس توخێلی راهێنەری نوێی هەڵبژاردەی ئینگلتەرا، بووەتە باسوخواسی سەرەکیی میدیای وڵاتەکە، پاشئەوەی لەگەڵ فیدراسیۆنی تۆپی پێی ئەو وڵاتە رێکەوت بەهاتووچۆکردنی بەردەوامی لە نێوان ئینگلتەرا و ئەڵمانیا.
بەهۆی ئەو رێکەوتنەوە، توخێل ناتوانێت لە چەندین یاریی خولە نێوخۆییەکانی وڵاتەکە ئامادەبێت.
میدیاکان دەڵێن، فیدراسیۆنی ئینگلتەرا رێکەوتنەکەی لەگەڵ ئەو راهێنەرە کردووە و بەداواکارییەکەی توخێل رازی بووە، هاوکات ئەو راهێنەرە لە 21ی مانگی داهاتوودا، سەرپەرشتی یەکەم یاریی هەڵبژاردەکە دەکات بەرامبەر ئەلبانیا و دواتر بەرامبەر لاتیڤیا.
توخێل لەبەرئەوەی دەگەڕێتەوە ئەڵمانیا، بینەری یارییەکانی پرێمەرلیگ نابێت لە یاریگەدا، هەروەها لە بینینی یارییەکانی گەڕی سێیەمی ئێف ئەی کەپ و نیوەی کۆتایی کاراباو کەپ بێبەش دەبێت.
توخێل سێیەم راهێنەری بیانییە لە مێژوودا سەرپەرشتیکردنی هەڵبژاردەی ئینگلتەرا لە ئەستۆ دەگرێت، پاش هەریەکە لە سڤین گۆران ئیرێکسن و فابیۆ کاپێلۆ.
توخێل لە ماوەی یەکەم 47 رۆژیدا لە دوای وەرگرتنی ئەرکی مەشقدانی هەڵبژاردەی ئینگلتەرا، ئامادەی 17 یاریی یانەکانی ئینگلتەرا بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ