رووداو دیجیتاڵ
یانەی کۆنیا سپۆری تورکی، یەکەم یاریی خۆی دوای گیان لەدەستدانی ئەحمەد چەلیک، یاریزانی یانەکە ئەنجامدا و بردنەوەکەیان پێشکێشی رۆحی ئەو یاریزانە کرد.
رۆژی سێشەممەی رابردوو، ئەحمەد چەلیک، یاریزانی یانەی کۆنیا سپۆر و هەڵبژاردەی تورکیا، لە رووداوێکی هاتووچۆدا لە ناوچەی هاسیلار سەر بەر گولباشی، کۆنتڕۆڵی لەدەستدا و بەو هۆیەوە کۆچی دواییکرد.
یانەی کۆنیا سپۆر دوای هەفتەیەک لە گیان لەدەستدانی ئەو یاریزانەی لە خولی تورکیادا بەرامبەر یانەی ئادەنە دەمیر سپۆر یارییکرد و یارییەکەی بە گۆڵێکی بێبەرامبەر بردەوە.
کۆنیا سپۆر بە جل و بەرگی رەشەوە هاتە نێو یاریگە و لە خولەکی شەشی یارییەکەدا، یاریزانانی هەردوولا بۆ گیانی یاریزانەکە وەستان، یاریزانانی کۆنیا سپۆر گریان و هاندەرانیش بە هاوێشتنی گوڵ بۆ نێو یاریگە رێزیان لە رۆحی ئەو یاریزانە کۆچکردووەی یانەکەیان کرد.
![دڵتەنگیی یاریزانانی کۆنیا سپۆر بۆ کۆچکردنی هاوڕێکەیان](https://www.rudaw.net/Library/Images/Uploaded Images/2022/01/19/FJaixB3XEAomO1m.jpg)
![دڵتەنگیی یاریزانانی کۆنیا سپۆر بۆ کۆچکردنی هاوڕێکەیان](https://www.rudaw.net/Library/Images/Uploaded Images/2022/01/19/FJaixB3XEAomO1m.jpg)
یانەی کۆنیا سپۆر لەم وەرزەی خولی تورکیادا ئاستێکی بەرزی پێشکێشکردووە و دوای 21 گەڕ، بە کۆکردنەوەی 42 خاڵ لە پلەی دووەمی ریزبەندی خولەکەیە و 7 خاڵ لە خاوەنی پلەی سێیەم دوورە و 8 خاڵیش لە دواوەی یانەی ترابزۆن سپۆری خاوەنی پلەی یەکەمە.
ئەحمەد یەڵماز چەلیک، لە 26-2-1994 لە ناوچەی گولباشی ئەنقەرە لە دایکبووە، لە کاروانی یارییکردنیدا بۆ یانەکانی گەنجلەر بیرلیگی، گاڵاتەسەرای و کۆنیا سپۆر یارییکردووە.
![بەرزکردنەوەی درێسی ئەحمەد چەلیک، یاریزانی کۆچکردووی کۆنیا سپۆر](https://www.rudaw.net/Library/Images/Uploaded%20Images/2022/01/19/FJaOOdBWUAcJILO.jpg)
![بەرزکردنەوەی درێسی ئەحمەد چەلیک، یاریزانی کۆچکردووی کۆنیا سپۆر](https://www.rudaw.net/Library/Images/Uploaded%20Images/2022/01/19/FJaOOdBWUAcJILO.jpg)
لەسەر ئاستی نێودەوڵەتی چەلیک بۆ هەموو هەڵبژاردە جیاوازەکانی تورکیا یارییکردووە، لەسەر ئاستی هەڵبژاردەی یەکەم لە 2015 تاوەکو 2017 بەدرێسی هەڵبژاردەکەوە 8 یاریی ئەنجامداوە.
![گوڵی هاندەرانی کۆنیا سپۆر بۆ رۆحی ئەحمەد چەلیک](https://www.rudaw.net/Library/Images/Uploaded%20Images/2022/01/19/20220118_2_51784788_72675063.jpg)
![گوڵی هاندەرانی کۆنیا سپۆر بۆ رۆحی ئەحمەد چەلیک](https://www.rudaw.net/Library/Images/Uploaded%20Images/2022/01/19/20220118_2_51784788_72675063.jpg)
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ