رووداو - هەولێر
یانەی ئەیسی میلان لەسەر ئەنجامە باشەکانی بەردەوامە و ئەمجارەش بە زەحمەت شکستی بە یانەی ئودینێزی هێنا.
لە گەڕی 20ـی خولی ئیتاڵیا، ئەیسی میلان میوانداری ئودینێزی کرد و یارییەکەشی بە ئەنجامی سێ گۆڵ بەرامبەر بە دوو گۆڵ لێبردەوە.
شەش خولەک بەسەر یارییەکەدا تێپەڕی و یێنس لارسن تۆڕی یانەی خاوەن یاریگای هەژاند و ئەم گێمە بەم ئەنجامە کۆتاییهات.
لە گێمی دووەمدا و لە خولەکی 48 ئانتی ریبیچ ئەنجامەکەی بۆ میلان راستکردەوە، دواتر تیۆ هێرناندێز بە لێدانێکی بەهێز ئەیسی میلانی بە گۆڵی دووەم پێشخست، لە خولەکی 85دا کیڤن لاسانیا گۆڵی دووەم و یەکسانی یانەی میوانی تۆمارکرد، لە دوایین ساتەکانی یارییەکەشدا ئانتی ریبیچ گۆڵی سێیەم و کۆتایی یارییەکەی تۆمارکرد و سێ خاڵی زەحمەتی بەخشییە یانەکەی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ