رووداو دیجیتاڵ
بەبەشداری 43،367 لە ئەندامانی بوکا، هەڵبژاردنی سەرۆکایەتیی یانەکە ئەنجام درا و هەواڵەکان باس لە دەرچوونی ئەفسانەی گەورەی یانەکە دەکەن.
خوان رۆمان ریکێلمی، یاریزان و ئەفسانەی پێشووی بە سەرۆکی نوێی یانەکە هەڵبژێردرا، دوای ساڵانێکی زۆر لە خزمەت کردنی یانەکە وەک یاریزان و جێگری یەکەمی سەرۆکی یانە.
![خوان رۆمان ریکێلمی](https://www.rudaw.net/Library/Images/Uploaded%20Images/2023/12/18/juan-roman-riquelme-boca-juniors-2014-1575894893-28112.jpg)
دوایین ئەنجامەکانی هەڵبژاردنەکە سەرکەوتنێکی مەزنی ریکێلمیان نیشاندا کاتێک 65 لە سەدی دەنگەکانی بۆخۆی مسۆگەرکرد لە تێکڕایی 75٪ـی دەنگەکان کە تا ئێستا جیاکراونەتەوە.
هاندەرانی بوکا هیوای زۆریان بە خوان رۆمان هەیە و دەیانەوێت لەگەڵ ئەودا دووبارە جامی لیبەرتادۆرێس ببەنەوە دوای ئەوەی لە دوایین دوو یاریی کۆتاییدا، کە ئەنجامیانداون دۆڕاون و نەیانتوانیوە بیبەنەوە.
خوان رۆمان ریکێلمی، تەمەنی 45 ساڵە و بۆ ماوەی 13 ساڵ لە یانەی بوکا جونیۆر یاریزان بووە، هەروەها بۆ یانەکانی بارسێلۆنا، ڤیاریال لە ئەوروپا یارییکردووە
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ