یوفا بە بەرازیل و ئەرجەنتین گورزێکی گەورە لە فیفا دەدات

 

 

زپینیێب پۆنیک، جێگری سەرۆکی فیدراسیۆنی تۆپی پێی ئەوروپا رایگەیاند، لە ساڵی 2024ـەوە گۆڕانکاری لە شێوازی بەڕێوەچوونی یارییەکانی جامی نەیشنسلیگ دەکرێت و هەڵبژاردەکانی ئەمریکای باشووریش بەشداری لە رکابەرییەکانی پاڵەوانێتییەکەدا دەکەن.

 

ئەو بەرپرسەی یوفا بە میدیای پۆڵەندای گوت " ئەمە دوایینجارە پاڵەوانێتییەکە تەنیا بە بەشداریی هەڵبژاردەکانی ئەوروپا بەڕێوەدەچێت، لە دوای 2024ـەوە گۆڕانکاری لە شێوازی بەڕێوەبردنی دەکرێت، بەڵام هێشتا نازانم کە بە چ شێوازێک یارییەکانی دەکرێت."

 

پۆنیێک زیاتر دەڵێت " کار لەسەر ئەو بیرۆکەیە دەکەین بۆ ئەوەی نەیشنسلیگ گرنگییەکی زیاتری هەبێت."، بەم هەنگاوەش یۆفا دەیەوێت گورزێکی گەورە لەو بیرۆکەیە بدات کە فیفا دەیەوێت جێبەجێیبکات و مۆندیال بکاتە دوو ساڵ جارێک.

 

لە فیدراسیۆنی تۆپی پێی ئەمریکای باشوور 10 هەڵبژاردە هەن، لەنێویاندا بەرازیل و ئەرجەنتین، بەمەش بەبەشداریکردنی ئەو هەڵبژاردانە رکابەرییەکانی پاڵەوانێتییەکە بەهێزتر دەبن و گرنگییەکی زیاتری دەبێت.

 

گوتەبێژێک بەناوی یوفاوە دەلێت " یوفا لەگەڵ کۆنمیبۆڵ لەسەر چەند پڕۆژەیەکی جیاواز کاردەکات، بەڵام تاوەکو ئێستا کارەکان کۆتایی نەهاتوون و کارکردن بەردەوامە."

 

 

یارییەکانی گەڕی یەکەم و دووەمی نەیشنسلیگ لە رۆژانی 2 و 8ـی مانگی حوزەیرانی داهاتوو ئەنجام بدرێن.

 

 

 

 

 

کۆمەڵەی یەکەم: لاتڤيا - ئاندۆرا - (كازاخستان/ مۆلدۆڤا) - ليشتنشتاين.

 

کۆمەڵەی دووەم: سان مارينۆ - (قوبرس/ ئیستۆنيا) - ماڵتا.

 

 

 

کۆمەڵەی یەکەم: دوورگەکانی ڤارۆ - ليتوانيا - لۆكسمبۆرگ - توركيا.

 

کۆمەڵەی دووەم: (قوبرس/ ئیستۆنيا) - كۆسۆڤۆ - یۆنان - ئێرلەندای باکوور.

 

کۆمەڵەی سێیەم: (كازاخستان/ مۆلدۆڤا) - ئازەربايجان - بيلاڕووس - سلۆڤاكيا.

 

کۆمەڵەی چوارەم: جیبرالتار - جۆرجيا - مەسەدۆنیای باکوور - بولگاريا.

 

 

 

کۆمەڵەی یەکەم: أرمينيا - أيرلندا - اسكتلندا - أوكرانيا.

 

کۆمەڵەی دووەم: ئەلبانيا - ئیسرائیل - رووسيا - ئايسلەندا.

 

کۆمەڵەی سێیەم: مۆنتێنێگرۆ - رۆمانيا - فینلەندا - بۆسنە و هێرسك.

 

کۆمەڵەی چوارەم: سلۆڤينيا - سێربيا - نەرويج - سوێد.

 

 

 

کۆمەڵەی یەکەم: نەمسا - كرواتيا - دانیمارك - فەرەنسا.

 

 

کۆمەڵەی دووەم: چيك - سويسرا - پۆرتوگال - ئیسپانيا.

 

 

کۆمەڵەی سێیەم:  هەنگاریا - ئەڵمانیا - ئینگلتەرا - ئیتاڵیا.

 

 

کۆمەڵەی چوارەم: وێڵز - پۆڵەندا - هۆڵەندا - بەلجيكا.