ڤیدیۆ؛ لە ئەرجەنتین، ئارسیناڵ دۆڕا
رووداو دیجیتاڵ
یانەی ریڤەر پلەیت، لە گەڕی چوارەمی قۆناخی دووەمی جامی خولی ئەرجەنتیندا، 3-1 لە ئارسناڵ ساراندی میوانی خۆی بردەوە.
لە خولەکی سێیەمی یارییەکەدا میگێل بۆرخای کۆلۆمبی گۆڵی یەکەمی بۆ ریڤەر پلەیت تۆمارکرد.
لە خولەکی پەنجا و حەوتدا نیکلاس دیکرۆز پێشکەوتنی یانەی خاوەن یاریگەی دوو هێندە لێکرد.
دوای تەنیا یەک خولەک خوان باتیستا سیخاس گۆڵێکی بۆ یانەی میوان تۆمارکرد و هیوایەکی بۆ ئارسیناڵ گەڕاندەوە.
ناوبژیوان لە خولەکی حەفتا و پێنجدا، لێدانێکی سزای لە بەرژەوەندی ریڤەر پلەیت دا هەژمارکرد، کە میگێل بۆرخا سەرکەوتووبوو لە جێبەجێکردنی و گۆڵی دووەمی خۆی و سێیەمی یانەکەی تۆمارکرد. ریڤەر یارییەکەی بە سێ گۆڵ بەرامبەر بە گۆڵێک بردەوە.
بەهۆی ئەو سەرکەوتنەوە ریڤەر پلەیت بە 6 خاڵ لە چوار یارییدا گەیشتە پلەی پێنجەمی ریزبەندیی کۆمەڵەی یەکەم. ئارسیناڵ ساراندیش بە تەنیا سێ خاڵ لە چوار یارییدا پلەی دوانزدەمی گرتووە.