دوای یارییەکەی شەوی رابردوو تێرشتیگن پەیامێکی بڵاوکردەوە
رووداو - هەولێر
مارک ئاندرێ تێرشتیگن، گۆڵپارێزی یانەی بارسێلۆنا پەیامێکی لەبارەی یارییەکەی شەوی رابردوویان بەرامبەر بۆرووسیا دۆرتموند بڵاوکردەوە.
تێرشتیگن لەبارەی ئەو یارییە لەسەر لاپەرەی فەرمی خۆی لە توویتەر پەیامێکی بڵاوکردووەتەوە و نووسیوویەتی " خاڵێکمان لەنێو خاکی خۆیدا لە رکابەرێکی زۆر بەهێز وەرگرت، شەوی رابردوو لە دۆرتموند کەشوهەوایەکی زۆر جوان بوو، ئەمە چامپیۆنزلیگە".
گۆڵپارێزە ئەڵمانییەکە لە یارییەکەدا ئاستێکی بەرزی پێشکەشکرد و لێدانێکی سزای گەڕاندەوە، کە لەلایەن مارکۆ رۆیسەوە جێبەجێکرا، بەمەش رۆڵێکی کاریگەری بینی بۆ رزگارکردنی بارسێلۆنا لە دۆڕان لە یەکەم گەڕی وەرزی نوێی چامپیۆنزلیگدا.
We take a point back home from a very tough opponent. A great atmosphere last night in Dortmund. This is the Champions League! 👏🏻👏🏻 #UCL pic.twitter.com/a7oDpVgvAm
— Marc ter Stegen (@mterstegen1) September 18, 2019