ئیسنەر گەیشتە هەشتی سینسیناتی
رووداو – هەولێر
لە پاڵەوانێتی تێنسی سینسیناتییدا، جۆن ئیسنەری ئەمریکی بە بردنەوەی لە فرانسیس تافۆی هاونیشتیمانی خۆی گەیاندە قۆناخی هەشتی پاڵەوانێتییەکە.
لە قۆناخی سێیەمدا هەردوو تێنسزانەکە رووبەڕووی یەکدی بوونەوە و ئیسنەر یارییەکەی بە ئەنجامی دوو کۆمەڵەی بێوەڵام بردەوە.
لە کۆمەڵەی یەکەمدا جۆن بەزەحمەت و بە ئەنجامی حەوت شەش سەرکەوتنی بەدەستهێنا، دواتر لە کۆمەڵەی دووەمدا فرانسیس هەوڵیدا بگەڕێتەوە نێو کەشی یارییەکە، بەڵام ئیسنەر لەم کۆمەڵەیەشدا بە ئەنجامی حەوت پێنج بردنەوەی بەدەستهێنا و تافۆی لە پاڵەوانێتییەکە دوورخستەوە
لە قۆناخی داهاتووی پاڵەوانێتییەکەشدا ئیسنەر یارید دۆناڵدسۆنی ئەمریکی دەبێتەوە.